جربت ابعد

الجمعة سبتمبر 14, 2012 6:19 pm

جربت ابعد واشوفك الي تشتاق
غبت اسبوع عنك ردت اشوفك
هم ترجع تكلي البعد حراق
واموت اني صدك لو مااشوفك
ياعمي دبطل كافي انفاق
وكافي اتحججت يامة بضروفك
كلت هسة من اشوفك يصرخ الشوك
وبحضان البعد يبجيلي خوفك
ولا كلمة اكتبتلي وكلت مشتاق
يمكن بالبعد ضاعة حروفك
موانتة الكلت بخلافك انضيع
ونعوف الدنية كلهة وما نعوفك
كلامك طلع فارغ بس حجي السان
وطلعت براسي كاعد بس تغني
طلع حبك جذب خالي من الاحزان
وحسافة اعليك اني يزيد وني
والك ثورة غضب بالكلب بركان
شكلهم بعد محبوبي خذلني
جنت اتصورك للعشق عنوان
طلعت بداعتك مابيك ذني
اجيت بلفة وجنت فرحان
وحزاني اجن هنة لخذني
بعد ماحب صدك واليحب خصران
ولااقبل عشكهم هم يذلني
اريد اشكر احبابي المانسو يوم
وشكر كل عزيز السال عني

موكل حبيب اليوم يتسمة محبوب
والماتشوفة العين تسلاه الكلوب

موكل حبيب اليوم يفكد غيابك
احبابك ايمرون دوم اعلى بابك