لغيرك ماكلت صدكَني مشتاكَــ

الأحد سبتمبر 09, 2012 1:20 am

يمرني الليل شايل بيدة ذكراك
وأحنلك حنين الشالته النوگ

وأشرب من صورك نخب الوداع
وأشمنك عذيبي بصدر مخنوگ

تعال اعليك جرحي وشوفني شلون ..
الك زارع محبة بصفنة الشوگ

تعال وخل اصير بحظرتك طير
ومن شجرة وصالك اخذ اعلوگ

جثيرة أحلوگ كالت چنه عافاك .!!
تعال ارجوك سكت هاي الحلوگ

تدريني اعله دربك زارع الروح
وعله حايط خيالك چفني مدگوگ

أفتوگ ايام حزني تسلم أعليك ..
منو غيرك يجيني يشل الفتوگ ؟

لغيرك ما كلت صدگني مشتاگ
والمشتاگ بس لشخصك تلوگ

تعال العين ظلت تطلگ اهات
وخايف ماتجيني ويقوة الطلوگ

الك شجرة عشگ زارعهه بالبال
وبيهه الساگ يسمع صوت العروگ

أتنيك بدمعتي اوحشة البيت
بصفنتي ويالشعر بأحساس محروگ
تحياتي

منقوووول