اجمل ما تراة عينك فيس بوك العراق

تعال بكل وكت تلگاني موجود

بس كونك تجي مو ما تجيني

واذا ماجيتني هم تنحسب جاي

لأن موجود انته بوسط عيني

==============

ناذر للوطن عمري وانه الممنون

وابيع الروح بارخص لو نزل سوگة

طابوگة اشتريت وماخذت دبدوب

خفت يوم الوطن يحتاج طابوگة

==============

سكرت وگلت بلكي بسكري أنساك

صبيتك هموم بكاسي وشربتك

شربت الكاس كله وللچعب دگيت

حسبالي نسيتك بالچعب شفتك

==============

تريد الناس اسولف وآنه كلي هموم

خانگني الدمع ماأگدر احچي

إذا حته الدمع من شافني بهالحال

لبس أسود علية وگام يبچي

==============

كمر انت الكمر منك يغار

وحار بجمالك حاول يفسره

كلمن شاف طولك ينخبل بيك

ويسهر ليله كله بكلبه حسرة

بعيونك لغز سبحان من سواك

وانا الدايخة بلغزك ماعرف سره

==============

تنكرني ولك خليني اذكرك زين

انة الجفي اعله جدمك جم طبع خله

رحت هسه ويا غيري ليش ؟ وشلون ؟

حسب حساب لوشاف طبع ايدي شتكله ؟