دارمي جميل جدا

السبت سبتمبر 01, 2012 3:31 am

اريد اشتاكلك كل العمر مليت

بعد مااريد يمي ومو الية...

تعبت هموم صبري تهد الجبال

وياهو الجاي والرايح علية

علمت الحروف تغني مغناك

تجازيني بعذابي والاذية...؟

ولك مايوم كتلك بيهه مليت

بس اليوم اكلك هاي هية

بعدني اشتاكلك وما ابطل الشوك

واظل انتظر طول العمر جية

وبعدهة صورتك..لفتتك ذاك اليوم

تكابلني بصباحي وكل مسية...

وبعدهة ضحكتك رنات بية تعيش

وتشعل خاطري وتندفن بية..

وبعدها مشتهاتي لكل حرف بيك تذوب

تراود مستحاتي بسوء نية..

وبعدها صورتك تسكن سواد العين

وتكب وتشتعل وتعيل بية...

تدك باب الشعور الذاب بيك ذيوب

وترد تسدة وكلهة اذية..

رضيت وياك ابقى حلم مذبوح

ومااصدك بعد ترجع الية..

احس كلش ضعت وقررت ليك اشتاك

وكون بشوكي اوصل للمنية..

لان ادري بدونك اني مااعيش

لذالك راح اموتنن هاي هية