كلامك بالكلب يجرحني كل يوم

الأحد أغسطس 26, 2012 8:40 pm

كلامك بالكلب يجرحني كل يوم
وانه الساكت غصب بالروح اكابر

ويلوليلي الوكت وانه ادري جذاب
بحضن الروج ماتغفه البواخر

ويوكتي شما مطر خنجرك طعنات
انه امبلل طعن من الخناجر

اجه ابخيل التعب فوك الظهر صال
لحد ما هشم ابظهري الحوافر

واذا خيط الجرح ما اكطع الخيط
لان ادريه يكبر جرحي باجر

حرب ويه الحزن وانه ادري مكتول
لذلك انه ما واضع سواتــــر

ما يهده الدمع من زغري وياي
شيسكت العين ربته المكابر

من كد ما خذتني الحسره والاه
احس الموت بين اجفوني صاير

موضوع الجرح محد نجــح بــــي
بس انه الفقير اطلعت شاطر