قصة جميلة جدا للزوجة الذكية التي كشفت خيانة زوجها!!!!!

قصة جميلة من الذكي هل الزوجه ام المحامي ؟

كان فيه امراه شاكه بزوجها انه يخونها . وراحت بحثت بالامر وطلع شكها في محله والرجل فعلا يخونها

انهارت بكت فكرت بالطلاق ، لكن عندها اطفال و ايضا زوجها شريك لها بالاسهم . خافت تتطلق منه وياخذ عيالها وفلوسها
وتقعد لا بلح الشام ولا عنب اليمن

اتصلت على محامي و قالت له عن سالفتها وان زوجها يخونها .. .إلخ
قال لها المحامي :هل يعلم زوجك انك تعرفين عن خيانته .. هل واجهتيه ؟
قالت : لا
قال : انتبهي .. لا يدري انك عارفه بموضوع الخيانة وتصرفي طبيعي
تدرين وش هو سلاحك ؟؟؟ سلاحك هو ان زوجك يحسبك مغفله ! يحسبك ماتدرين وش صاير




وقال لها المحامي . اجمعي ادله على خيانة زوجك ، بدون مايدري عنك ولا يحس


الزوجه : ادله يعني كيف .. هل مثلا اصوره مع عشيقته وهم بغرفة الفندق ؟
المحامي : ههههه لا صعبه . لكن تقدرين تاخذين له صوره وهو يدخل معها بالشقة ، او صوره لهم ب اي مكان عام
او شوفي اوراق زوجك والحوالات البنكية والارصدة . أكيد بتلقين دليل
اذا لقيتي اي شي اتصلي علي



يوم طلع الزوج من البيت . راحت الزوجه للمكتب حقه . وفتشت بالاوراق
لقت ورقه من معرض سيارات . وشاري سيارة بي ام دبليو اخر موديل وكاتبها ب اسم صديقته
ولقت صك شاري شقة وبرضو كاتبها باسم صديقته





اتصلت على المحامي وقالت له عن الاوراق اللي لقتها
قال المحامي : الاوراق خذيها وصوريها .. بتحتاجينها ..ورجعي كل شي مكانه ، علشان مايحس انك تنبشين ب اوراقه


وقال لها انتي اللحين عرفتي اسم صديقة زوجك + عرفتي مكان الشقه اللي هي ساكنه فيها . هذي نقطتين تقدرين تستفيدين منها






سوت الحرمه مثل ماوصاها المحامي صورت الاوراق وخبت الصور عندها


وذاك اليوم تلبس زوجها وتكشخ . قال ابطلع عندي شغل ضروري ..
قالت : الله يحفظك
طلع زوجها من هنا . طلعت هي وراه و وراه لين راح شقة صديقته .. واخذت له كذا صوره وهو مع صديقته
عند باب العماره وصور بالشقة
وقفت شوي بالشارع .. الا وتشوف زوجها مع دريشة احدى الغرف المطله على الشارع (له وجه يطل مع الدريشه هههه)


وتطمر الحرمه وتروح العماره المقابله ل العماره الموجود فيها زوجها
وترقى للسطح . حق العمارة
وكان معها كاميرا فيديو .. قدرت تصور زوجها وهو بوضع مخل للادب .( طبعا الكامير من النوع الاحترافي عالي الدقه )


اللحين خلاص جمعت ادله كااااااااااااااااافيه و وافيه



اتصلت على المحامي وعلمته ب كل اللي صار
قال خلاص اللحين تقدرين تطلبين الطلاق


وذاك اليوم الرجل جالس بوظيفته ومستانس
وصلته ورقة من محكمة
فتحها اثاريه زوجته طالبه الطلاق ومعينه المحامي الفلاني يدافع عنها و و
ومطلوب منه اليوم يروح مع زوجته عند مكتب المحامي . لعل المحامي يصلح بينهم او ييسر الله امرا


جاء زوجها للمحامي وجت الزوجه معه
وقال الزوج :ليش تبغيني اطلقك . انا ماسويت شي و و و
قالت : انت تخوني
ضحك الزوج وقال :: معك دليل .
قالت : لا (تبغى تهدي الوضع لين يجي موعد المحكمة )
قال الزوج للمحامي : ماعليش هذي تخربط بس شافتني مشغول عنها هاليومين وحسبتني رايح لحرمه غيرها ...


المهم قال المحامي : فيه لكم جلسة عند المحكمه لان الزوجه طالبه الطلاق فعلا من المحكمه
اذا جاء موعد جلستكم قل كل اللي عندك


راح الرجل وهو كله ثقه بنفسه .. ويحسب ان زوجته مغفله وماتدري عن شي ، وضعيفه .



خلال هالفترة باعت الزوجه اسهمها اللي بالبنك وشرت لها شقه صغينونه .


جاء موعد الجلسه عند المحكمه
سئل القاضي الزوجه عن سبب طلب الطلاق
قالت انه يخونني
قال معك دليل على خيانته
قالت نعم


هنا زوجها بغى يوقف قلبه . وش الدليل اللي مع الزوجه ؟؟؟


قال القاضي ماهو دليلك
طلعت لهم نسخة من صورة الإيصال حق شراء السيارة
قال القاضي لزوجها :وش هالاوراق . قال الزوج ، هذي السياره كنت شاريها ناوي اعطيها زوجتي هديه
لكن زوجتي عصبيه وتسببت لي بمشكله والغيت فكرة اني اهديها السيارة وبعت هذي السيارة ل فلانه الفلان ( صديقته )


قال القاضي :طيب يا الزوجه عندك دليل ثاني

قالت الزوجه : نعم عندي .. وتطلع الزوجه صور لزوجها مع صديقته و قالت ان عندي تسجيل فيديو لهم بوضع مخل



قال القاضي للزوج : وش ردك على أدلتها ..
الزوج : ساااااااااااااكت ولا قال ولا كلمه . متفاجئ ان زوجته سوت كذا



قالت الزوجه : ايضاء اطلب حضانة اطفالي تكون عندي .. ما اقدر اخلي اطفالي يتربون عند رجل خائن
وفعلا ربحت الزوجه القضية ب ذكائها واخذت اولادها وفلوسها


وتوته توته انتهت الحتوته
القصة حقيقة لكن حصلت لامراه غير عربية
صحيح الموضوع مش موضوعنا ولكن فرصة ولاحت قريت هالقصة وحبيت انشرها وهي منقولة ولكنها حقيقة
ورغم ثقتي بزوجي الا انه مافي رجال إله أمااااااان