ا يدري بسهم عينه قتل إنسان

الخميس يوليو 26, 2012 2:39 am

بسهم عينه قتل إنسان

أحزن وأشوفك فرح مْنْ عيَّدْتْ يَمْنا
وعيني ما تمل من شوف وردتنا
وفرحت فرحة محب مْنْ شاف محبوبه
من شاف الدمع يجري على خدوده
ما أصدق إيده محنيه وجفوفه مجروحه
وأنا أعتب عليه أعتب على عمري
من شلعه عيونه من رمش الجفون
أسلّم وأعتذر جان يقبل أعذاري

ما يدري بسهم عينه قتل إنسان

ولو رد الهوى ولو خذاني الموج
لو جف الجرف وراح ماي الروف
لو غابت طيور الصبح وغادر العصفور
من فوق السعف والنخله مذبوحه
ترى جروح النخل بالصبر معروفه
اللي يحبك يهده البحر والطوفان
حتى لو سلم من عضة الثعبان
مصاحب ويْ قطار العمر بالنسيان

مايدري بسهم عينه قتل إنسان

حتى لو تصافحني وتصالح أبقى من النسيان
لَنْ هذا طبعك من صدر خوان
لا تكَول متحير جذب مو هذي أوصافك
حتى مهجتي تدكَـ دكَات من شوفه أعتابك
حتى الدرب ضيعني وتاه العطر بأوصافك
لو أوصف شهد عينك جان العشكَـ دلالي ودلالك
غلطْتْ وصدقت عيونك وقلت حلمان
مشيت بدرب مجنونك ندْم أسفان

ما يدري بسهم عينه قتل إنسان

أكيد الدنيا مقلوبه وعرفت تبان
مغرور ماشي بهلاله مثل سفان
وأنا أرسم بأوجاعي نجمة ويْ النجوم تبان
بس خليت ألم جرحي جرح حيران
لا تمسح دموعي تراني من الفرح أبجي
لا تزعل حبيبي خلْني أمشي على دربي
خلي الليل يغطيني خلني بوحدتي أمشي
خلْ سهم عينك مصوّب بوسط قلبي

ما يدري بسهم عينه قتل إنسان

خلْ سهم عينك مصوّب بوسط قلبي
اقتلني ألف مرة أحبك وأنت ما تدري
تدري الغربة تجويني وتدري النار تشعل بي
وتعرف كل همومي منين وتعرف حيرتي ووجدي
أستاهل أنا كل هاذْ حتى لو غدا فجري
جان النغم يتغنى برسم عودك
وحسبتك أشعار عمري وأنا بوجودك
سراب تصير ما أصدق وأنا شهودك

ما يدري بسهم عينه قتل إنسان

أنت الورد والريحان والجوري على خدودك
هي بسمه من عيونك هي فرحه على مودك
نعم كل الثريا أنت غمامه عشكَـ بوجودك
طل قلبي على قلبك وأنسى درة الأزمان
يعاتبني على ذنبي وذنبي لمسة الغفران
هي بوسه على ادينك من قلب هيمان
مغرم تاهت أيامي ويحلف لي وهو ندمان
ردْتْ مره أحاجيها وردت مره تحاجيني
ورْدْتْ من ليلنا يطول حتى لا تغط عيني

ما يدري بسهم عينه قتل إنسان

صرت غرقان بعيونه وصرت أبجي على الشطئان
مثل دورات الكَمر مثل سحر الورد والجان
مْنْ يسولف اسمعه بكَلبي يهودر بصدر ولهان
ذاك هو للي هويته ومن اجاني البدر ما بان
وأحب لمسه من يدينك على يديني
أحبه من يعاكسني ويتلف كل موازيني
ومن ليلي الهوى غنيت بيها كل دواويني
حياتي مْنْ يخاصمني وينكرني ويعاديني

ما يدري بسهم عينه قتل إنسان