اهلا وسهلا بك من جديد زائر آخر زيارة لك كانت في مجموع مساهماتك 85 آخر عضو مسجل Az064 فمرحباً به


شاطر
استعرض الموضوع السابقاذهب الى الأسفلاستعرض الموضوع التالي
avatar
Jalal Alzobaidy
عضو فضي
عضو فضي
عدد المساهمات : 2702
المزاج : رومانسي
العمر : 45
تاريخ الميلاد : 11/03/1972
النقاط : 4250
العمل : ضابط جيش
ألقاب اضافية : مشرف على اقسام الشعر الشعبي والفصيح

MMS : فيس بوك العراق والعرب iq-fb.com

زنجيل أأأأأأأأبذيات

في الخميس أبريل 05, 2012 3:24 pm
عقل ماباقي بية جن منك
وهذني اجروحة كلبي جني منك
بعد ماريد اطبن جنة منك
اريد النار اطبنهة واحلهة
واشبك عيني بطيوفك واحلهة
احير بمسالت حبك واحلهة
وارد انوب احير اسال واحل بيك
نبع صافي ولا يحصل وحل بيك
اطوف السمة بجناحي واحل بيك
لان مو وحشة واحشني وحشتين
احش العنب من شفتك واحش تين
الي بدنياي راح اشهد وحشتين
وحشة موت تلفيني ووحشتك
وتك صار البشر مني وحش تك
طيفك ماكصد عيني وحشتك
كبل لا تغمض عيوني طفت بيك
وجن حظرة ومقام انت طفت بيك
احس نيران دلالي طفت بيك
واصيرن نار من تبعد ولاهيد
ولاهي العين لازمتك ولاهيد
صدك من اشبكنك ولا هد
دشدني ابشوك لحظانك واناشد
اسال وانتخي الوادم واناشد
فتحت اجروحي بعيونك وانا شد
لانك جرحي البكلبي والم بي
وتبدة الصبر من روحي والم بي
العن وكتي بغيابك والوم بي
الي بوكتي الفرح ساعة ووكت لاك
وتكتلني برمش عينك واكتلاك
اكت للظيم من دمعي واكت لاك
وانخة اتعود كل اغروب وادعة
وناس اتكول ردلة وناس ودعة
امانة وبيدك الدلال ودعة
وكلبك يمي اريدة حطة امانة
لان فركاك يسمر حطمانة
ملحك فوك جرحي حط منة
احسة ايصير مثل الشهد بيه


_________________
[img][ندعوك للتسجيل في المنتدى أو التعريف بنفسك لمعاينة هذا الرابط][/img][img][ندعوك للتسجيل في المنتدى أو التعريف بنفسك لمعاينة هذا الرابط][/img][img][ندعوك للتسجيل في المنتدى أو التعريف بنفسك لمعاينة هذا الرابط][/img]
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى