اشهر 22 جذبه عند البنات..... بس بدون زعل

الأربعاء مارس 07, 2012 2:35 am

1- مادري حبيبي احس اني اعرفك من زمان تصدك
(اي من جان الدينار حياكه)

2- حبيبي احس انك غير عن كل الشباب احس انك مختلف وغير عنهم
(عندي كرون يعني)

3- حبيبي تره هذا جمالي طبيعي مو عبالك مكياج
(اي اصلي مال شركة )

4-ياريتني ياحياتي عرفتك من زمان
( خيرانشالله..مقشمره 79 واحد كبلي وجاي تبيعها عليه )

5-اني ماطلع من البيت هوايه ومن اطلع انزل راسي بالكاع وماباوع احد
(انتي بس يم ابو الصمون تبقين 3ساعات اتريدين واحد ايباوع عليج )

6- انا احب الشعر ومن هواياتي الرسم والسباحه
(وتركب مراجيح العيد...وتحط مكياج)

7-ماحب اكعد وغرفتي هوسه واني احب النظافه وماعرف انام الا واني مبخره غرفتي وفراشي
( اي صح هو انتي غرفتج عبالك ضاربها زلزال )

8-احتمال اروح سويسرا الصيف الجاي
( خطيه تروح للزوراء عباله سويسرا )

9- تصدك حبيبي ماعرف ألبس الا من احدث الموديلات
( هيه قطعه قماش وتفيك بيه )

10-اووووووه حبيبي مشتهيه كابتشينو وكيك ابو الكريم
( هيه تاكل اصابع مالحه واستكان جاي مال حصه )

11-دائما
عطوري مااشتريه منا كله بابا ايجيبه من الخارج
( قصده من خارج البيت يعني
براس الشارع ابوه ايبيع بنزين وبدربة من يرجع ايجيبلها
من هاي الريحة ام 1000 دينار)

12- شكلي حبيبي راح اشتري جاكوار من الوكاله
( اذا مو هوندا موديل 76 من الكراج مال باب الشرجي واذا حصلته )

13- اني بيتنا بشارع الحب على تقاطع ابو جعفرالمنصور ( شارع حب ماكو شون جذب مصفط)

14- حبيبي اليوم تلفوني وكع بل الحمام وخرب
( يعني اشتري لي جهاز..ليش هيه متدري اني اكبر حديقة بالشرق الاوسط )

15- اني جنت مخطوبه بس خطيبي مابي مواصفات
(هوه زين لحك على نفسه وخلص نفسه من هالبلوه ))

16- حبيبي اروح اشتري حذاء من هذا ابو 50,000
( كولي ابو ال2,000 ومن البالات ليش مستحيه )

17- حبيبي خلي ابالك ترى اني اذا حبيت حبيت من كل كلبي
( اي احجيلج ويا )

18- حبيبي اني اروح لنادي الصيد يعجبني العب تنس هناك ( هيه تروح تلعب غميضه بحوش بيتهم )

19- علاقتي بيك محد يدري بيها ابد لانها تعتبر من اهم خصوصياتي
( اكبر جذابة حتى سعدية الحفافة هم تدري بيها )

20- احب اكعد بالبيت واساعد ماما واحب اكعد ويه النسوان ونشرب جاي
( يعني ترى ماعندي خرابيط تعال اخطبني..بالعيد انشالله )

21- حبيبي عيد ميلادي الاسبوع الجاي
( يعني اريد هديه...اني عاد مااقصر بعييييييييني )

22- بعد كم يوم راح ادخل معهد واتعلم اسباني بعد ماخلصت الفرنسي والايطالي
(عربي مثل الاوادم ماتعرفين...هالمره اسباني؟؟؟