زفه حزن

الأحد ديسمبر 25, 2011 11:31 pm

زفة حزن

اريد اكتب شعر بس ماكو كلمات
واريد اكتب فرح بس مالكيت حروف
كاعد بس ادور وين ما وين
وياحرف الاحطه الكاه محذوف
امس واني بمكاني وبيدي الاوراق
سمعت بالباب زفه وطبل ودفوف
كمت وبساع بيدي افتحت الباب
لكيت الحزن جاي البيتي زافوف
ركنت اوراقي كلهن وللقلم ذبيت
على رفوفي وشفت بس تبجي الرفوف
حرف عطف انكلب شو وكتي وياي
واني اللي اصحت اعليه معطوف
يوميه حزن من عمري 5سنين
وانه غير حزن بالدنيا ماشوف
صفيت اني مثل التايه بصحراء
ولشربت ماي حيل اشكر ملهوف
هيج اعلى الفرح عمري بنا امال
وصدكو من الحزن مراني الخوف
اريد ابيت الله ادعي واصب ادموع
واريد بيت الله الروح كون اطوف
اريد اني الفرح يمرني بس اليوم
وبعدهه كون اعمى وكلشي ماشوف
سواني الحزن مثل يموت بليل
وعلى موت الليل صار معرف
مايستوجب احجي اللساني سده الخوف
وصرت انفخ انه بدلو مزروف