خاص للرجال فقط

الأحد ديسمبر 25, 2011 4:53 am

لكم مني هذه القصيده مع اعتزازي
وعذرا كونها لرجال فقط خوفا على مشاعر النساء
,,
,,

حاولت اكتب غزل بس مادريت
لازم اليكتب غزل عايش عشگ
راح اچذّب حتى اگلك بالصحيح
وليش اچذّب راح اسولفلك صدگ
انته حبّك چن جگاره وبيدي عود
لاتگرّب خاف ابوسك واحترگ
ما اگلك انته حلگك شيء عجيب
انته حلگك جن حلگ ماخذ حلگ
انته عندي اعدال عشره ابلا نزاع
ولابس اسود دوم يعني انته الطبگ
من تغص توگفلي لگمه ابلا شعور
وهوه غيرك من اشمّنه اختنگ
من اجيبن طاري غيرك اشتهيك
وحلگي ينضف بيك جن ماكل نبگ
كلشي اعرف بيك بس ماريد اگول
ولو يسألوني اعلى غيرك انفتگ
يستلگ زلفك اذا تلبس الشال
ولو نزعت الشال جدنه اليستلگ
ابمشيتك شگ الارض خط مستقيم
لا تفرفر انـه ماعندي خلگ
شيخ محشي ودولمه ومدفونه اصير
حتى اشبگك وانگلب ورقة سلگ