خيانة الزوج للزوجة رغم الحب الذي يجمع بينهم

اصدقائي صديقاتي
السلام عليكم ورحمة الله وبركاته
موضوعي اليوم خيانة الزوج للزوجة رغم الحب الذي يجمع بينهم
خلينا نعدد الخيانات الزوجية حسب النقاط وانتو انطوني جواب علی النقطة الي تعجبکم
1- علاقة عاطفية تجمعهم لمدة ثلاث سنوات وبعدها تزوج الشاب من حبيبته و بعد الزواج بسنتين تقريبا بدأ الزوج بالخيانة وتكوين علاقات جنسية
2- شاب خاطب واثناء خطوبته يخلع حلقة الخطوبة ويتعرف على البنات ويوزع ارقام طبعا هذا الشاب اتزوج قبل اسبوع
والله يعلم شراح يسوي
3- رجل يخون زوجته امام عينيها ويتحدث مع الفتيات في الهاتف وهي تستمع اليه
هذا الشاب واطي وزجته اوطى منة مع احترامي الكم عائلة قذرة
4- شاب تزوج زواج تقليدي من العصر القديم يعني من اختيار اهلة ويسوي كلشي حب وتعارف وارقام وعلاقات جنسية الخ.....
5- شاب بيوم الحنة يعني قبل العرس بيوم راح اتمرن ويه صاحبته القديمة تعرفون شقصد
6- زوج بعد الزواج بدا يباوع على البنات قصدي يباوع على المناطق المغرية ويباوع افلام اباحية فقط لا غير
7- وشاب يحب يسولف ويه البنات سوالف عادية مابيهة اي قصد بس من دون علم زوجته لن بس تعرف اطين عيشته
8- والزوج الاخير طبعا قبل زواجه هو دايح وبعد الزواج داح اكثر على كولة المثل الشعبي
ذيل الجلب ما ينعدل
طبعا الكلام اللي طرحته حقيقي مو من خيالي وكل
هؤلاء الشباب هم اصدقاء و معارف
ارجو ردودكم ونقاشاتكم على هذه النقاط

اني عندي اهم شي نقطة رقم واحد
هي المصيبة

ملاحظة
اصدقائي وصديقاتي
اني اسف اخاف استخدمت كلمات بذيئة او غير مرغوبة
او كلام غير فصيح قصدي بالغة العامية
بس الصراحة اني افضل كتابتي تكون بالعامية مو بالفصحة
مع العلم اني خريج علوم بايو
واذا عدكم تعليق عني او عن طريقة كلامي لاتضمو علية اني اتقبل النصائح
واحسبوني اخوكم الصغير
مرسل من قبل المملكة الساهرية
على الفيس بوك Mustafa live

مصطفى موضوع جريء بس للاسف ولانقطه تعجبني حسافه هو هذا صار واقعنه وين الوفا وين الالتزام ماكو حل للاسف

اي والله ياسالي هذا واقعنا
بس اني اعتقد
من سقطت بغداد سقطت الاخلاق والشهامة وياهة
شکرا لمرورج

صارالموضع عادي نسمع بي كل يوم وهذالاللاسف بسبب عدم مخافة الله وتقصيرالاهل والاستخدام السيء للتكنلوجيا اللهم اهدناالى الطريق المستقيم بحق محمدوالي محمد

للاسف اخ ساهر صحيح وهو الي بصراحة يخلي اغلب الشباب مخيفين.....بس يلا اكو الزينين....لوخليت قلبت.....بعدين هيج اصناف ماتعرف الحب لان لو كان يحب مستحيل يخون باي طريقة........موضوع جميل