اهلا وسهلا بك من جديد زائر آخر زيارة لك كانت في مجموع مساهماتك 85 آخر عضو مسجل Az064 فمرحباً به


شاطر
استعرض الموضوع السابقاذهب الى الأسفلاستعرض الموضوع التالي
avatar
ريما
عضو نشيط
عضو نشيط
الجنس : انثى
عدد المساهمات : 128
المزاج : متقلبه
العمر : 26
تاريخ الميلاد : 05/01/1991
النقاط : 160
العمل : طالبه جامعيه
MMS :

اهداء بيني وبين نفسي

في الأربعاء سبتمبر 21, 2011 4:44 pm
بيني وبين نفسي شكد افكر بيك
واكول إشمعنه انت الشاغل ضنوني
مو اول عشك خاطر تشل الحال
ولا اول جمال تشوفك إعيوني
شجاها الروح يمك ذبت الاسرار
وليش ارجف عليك وينخطف لوني
وحتى الناس كامت تعرف بهل حال
وما اعرف شكلهم من يسالوني
يطبون بصفنتي وعنك يدورون
ويلكوني افكر بيك يلكوني
وصاحت كلها صاحت هذا هذا فلان
وما عندي لكوك وبيك تهموني
تهموني بمحبتك والله لو يدرون
على الضيم العليه يضل يواسوني
مايدرون عايفني إبمهب الريح
وانه وياك عفت المايعوفون
اليحبوني شكثر والجيتي يتانون
واخجل من كثر ما كام يتنوني
وانت الما تحبني شلون بالله وياك
امرن بيك ما مر باليحبوني
بعت الي شروني ومن ارد شلون
هم اسوه بعد والنوب يشروني
حبيتك شجاني وما حسبت إحساب
خي عونك عليَ مو اني خي عوني
متحبني واحبك والمصيبه النوب
اريدك وانهزم من اليريدوني
بأحزانك اودي عيوني تبجي وياك
وبافراحك ابد ماتذكر سنوني
من سمعوا اهلنه العشك دك الباب
ما خلوك اهلك واهلي خلوني
ما خلوك اهلك حقهم يخافون
بس اهلي لمحبتك شلع باعوني
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى