عراقي تحشيش على دارمي

گتلك لا تأمن بيهن ذني غدارات
واطلع من اسولف والله عن طوري

ولا تسئل بعد عافتني ليش شلون
جي شافتك زوج وضربتك بوري

البنات بهالوكت لامايعرفن عيب
وصلفات وجذب من گال يردن

واذا ماصدگت خل انا اضل جذاب
يجي يوم اعلى عقلك لابد يضحكن

من يمشن سوه قمت شرف واخلاق
بس شوف المصيبه اهناك لو بردن

اشجم شاب ومراهق ماينام الليل
وبحال الشباب اشلعبن اسون

لعبن بالشباب افلام يابو افلام
ويضربنهم بواري وجذب ينضربن

وخطيه اليحب حسباله وفايات
وهن كلهن خيانه وابد مايوفن

اذا يحجن غرام وكله حب اوراق
هوايه امن الغزل فوك الورق كتبن

ما اصدگـ جذب منا لحد اهناك
اتعلمني بحجيهن كلهن إيجذبن

عرايس خاف اگلك واظلم العرسان
إلطمن لطم لو رادن يطلعن

امن الاحمر والاخضر هذا مو بنصاف
واشكال الصبغ لو شوفهن حطن

لا ام التحاسب لا ابو النشاد
ولا واحد رقيب اهناك لو طلعن

انا امشي ويه امي مستحي وخجلان
وهن اويه الولد بشارع إيضحكن

وحتى اعيونهن ماظل عليهن لون
كل لحظه بشكل كل ساع ينگلبن

اضافرهن لزگـ ورموشهن تركيب
وعطر راسي بوضعهن راح يجنن

مو بس عالبشر لعبن هاليوم
حتى بخلقة الله گامن يلعبن!!!

گبل عدنا الولد معروفه إيصجمون
جثير امن المواقف عالولد ثبتن

انگلبت الايه وهسه البنيات
لبسن بنطرون وگامن إيصجمن

وموكلهن سوه وكل البنات اخفاف
ولانظلم بختنه وبالبشر نطعن

اكو بيهن اشراف وتاج فوگ الراس
واكو بيهن حشاك كلشي مايسون.!