شوصفك

الخميس أغسطس 16, 2012 4:48 am

شوصفك دأخت اوصافي جمرما بينك وبيني
واشوفك افقد واسكر وادوس اعلى الجمر حافي
وابرد وانتة مو يمي
ابرد من شتى فركاك
ابرد والبرد يكتل
واثلج وانتة مو يمي
ولا اتغطة بالحافي
احط اسمك حدر راسي
واحط صورتك بفراشي
واضلن للصبح دافي
واحلم بيك واني ليلة ما غافي
واخبطك بالحلم سهوآ
افز الكاك اكثر من كبل صافي
وتذبحني بشقاك ذبح
انتة بس ذبح متعافي
كافي ارد اكلك جوز
الفضهة بعد ما تلفض كافي
وعلى بوسة ازعلت
مني على بوسة تعاتبني
خدك انة ما بسته اهو خدك
شمر روحة على شفافي
يالله كوم خلي نعلب عشك للدوم
من باجر يا باجر ولك خليهة
من هاليوم
يالله كوم شاقيني اذبحني كطعني فصلني
عليك هدوم
بس ارجوك تعذرني
اذا نهدك اجه بجفي لان جفي
طفل وزنودك الحلقوم
يالله كوم شاقيني واشاقيك
شاقيني بكثر ما كلبي شاقاك
اشمرت سهمي وكلت ياريت يخطيك
ونبت سهمك بكلبي وكلت حياك
كطعني وصل كلي ارد اجافيك
كل وصلة تصيح ارد امشي وياك
على اعصابي دست كت ما احاجيك
صرت اخرس لاون ما جبت طرواك
حتى مروتك بيهة استلذيت
اشكثر ما صرت مر اتصير شمحلاك
صرت احلى بشر انتة بالولاية
ارفعتك بالكلب راية
احجي وياك وي غيرك ابد ما عندي احجاية
عالمراية احط وجهي اباوع ما شفت وجهي
شفت وجهك بالمراية
صرت احلى بشر انتة بالعيون
وغيرك ما حلى بعيني يابن الناس
يلموني لان بيك انة مجنون همت
عقلي لان ضل باقي بالراس
اخاف احجي وعلية اتكول جذاب
كمت اتنفسك ما بين الانفاس
اذا ياسك بكلبي انكلب عاكول
احبك عاكولك انة واكره الياس
عجيب انتة شكثر غالي
اسولف انتة سالفتي
اغني انتة موالي
ابالي ما سكنت انتة
انتة صرت كل بالي
بحيث انتة اكعدت كدامي ابرالك وتبرالي
درت وجهي اعلى غيرك لكيتك انتة لكبالي
شنهي انتة انة وياك محد مثلي سالفتة
جم مرة شفت غيرك ولعني
بس شفته
حبيته
وعشكته
الزمت شفته
وعضيته
رحت بسته
كلبته
لكيته انته