اهلا وسهلا بك من جديد زائر آخر زيارة لك كانت في مجموع مساهماتك 85 آخر عضو مسجل Az064 فمرحباً به


شاطر
استعرض الموضوع السابقاذهب الى الأسفلاستعرض الموضوع التالي
avatar
Muhannad Genie
عضو متميز
عضو متميز
الجنس : ذكر
عدد المساهمات : 1021
المزاج : وانته شنو
العمر : 26
تاريخ الميلاد : 29/04/1991
النقاط : 1878
العمل : Consultant Dr.
MMS :
https://www.facebook.com/mohnad.aljpore.9

علم العراق أنا بس بالكلام وذايب بحبك

في الخميس يوليو 26, 2012 2:37 am
[color:16d9=blue أحبك

أنا بس بالكلام وذايب بحبك
وأفكر بيك أنا في ليلي ونهاري

إذاشفتك صدك شيصير أنا بحالي
اضن يغمى علية وافقد إبصاري

تعال وصير إلي بالحب غطا وفراش
ودفيني بحنانك واعرف أسراري

احبك كالطفل من يهوى صدرأمه
يموت من القهر لو فطمته إجباري

زرعتك بالعشق وردة وصرتلك ماي
غصن حبك شرب من أعذب انهاري

أنا بدونك مثل بيت أنهدم ساسه
تعال ابني أساسي وابدأ أعماري

حبيبي ارحم بحالي حن على قلبي
أنابهجرك دمع بعيوني ضل جاري


صرت أنت بقلبي كالنبض والدم
وسميتك حبيبي ملهم أفكاري

تعال وخلي أيدك تشبك أيديه
واحضني وطفي بالعشق ناري

وخلي شفتي تشرب مي شفافك
أريد بشفتك ترتوي أزهاري

أريدك كالحمامة تحط على بيتي
وأريدك كالثريا تنور بداري

تعال وصير إلي أنت الهوا والماي
وأريدك كالبلابل تسكن أشجاري

تعب قلمي وأنا اكتبلك قصائد حب
ولكن للأسف ما تفهم أشعاري
ليش تكلي احبك بس بدون احساس
يعني شلون ما افهم صرت قصدك؟

اذا ودك تغيير كلي دون اسرار
لتحبني بكلامك حبني بودك

من يوم السالتك وانه ما مرتاح
ولا عيني غفت من اسمعت ردك

اكضي الليل صافن واحجي اني وياي
ابرر موقفك واتعذر لصدك

تراوالي المحبه تزيد يوم بيوم
ويحسدني اليشوفك يمي ويحسدك

عجيبه شلون تبعد من امرن بيك
وليش تضم عليه عطرك ووردك

جرفك اني يابحر الحزن مشتاك
صار هواي ما مر للجرف مدك

صار هواي ادور بينك انت وبيك
بلكي الكلك بيك وودك يردك

مالومك الك بس اني هم معذور
ما تعرف همومي بهالوكت بعدك

صدكني الوكت وك لعب دوره وياي
والدنيا بغفل من حالي باكتني

زرعتني بجروحك وضوكتني الويل
وتعب فوك التعب وياهة تعبتني

غسلتني بدمع وبليل وبكابوس
ولمن كملت بالنار شرتني

جرحتني وكبر بيه الجرح اضعاف
وبسموم الدهر صدكني داوتني

ومن ملت ولك فلت ضمادي بساع
وبحلك الجرح مجروح خلتني

حبيت الحياة برغم كل الجور
بس دنياي ابد ما يوم حبتني

واذا ودك برد حقك وانه الغلطان
واعذرك لو رحت شو كلهة عافتني

اذا عني رحت مر بيه كلما انام
لان بجفوني صوره وياك رسمتني

اضل كل عمري نايم واكعد الجفنين
اذا طيوفك حلم وبليله مرتني
...................

]

_________________
التوقيع


تمنيتك [حيّ]..وأتـــشوف..وين (آنـــ؟ــه)...مصــيوب
طبيبي...[أنـــت]...كوم...وطفيلي نـــــ؛؛؛ــــآري....!

أسئلكــ...ليش آآآنه من..هــآلدنيا...[[[[متعوب]]]]..!
وليش أنت..الوحيد....المــآ تعــرف....أخبــآري....؟؟

[منعوني]..منك..ونسوآ..كل..ممنوع...[مرغوب..!
ومحد يفهمني غيرك....ويفـــهم....أفكــــــــآري...]

وكف على (حيله) الشــآمت...ويــتشمت...]...[بــأسلوب
ردتـــه يسكت...ويرحم...دمعي....[الجــــآري...]..!

وصحيح آآآآنه..[غنـــي]...بس..مـــن..كــل..شي مسلوب
وتمنيت قبل موتتك...أقدملكـــ..أعذآآآآري........]

مدري آآنه اشسويت..ومــآخذ..[كل] هذه الاذنوب
وعجبيه نيرآن..[الذنب]...مـــآتطفى....بــ أمطاري

وحتى الكلب...أبدونكــ...خايف....ومرعوب..!
وتعـآل أسمع..أللحـآن[الحزن]..كطعن....أوتــآري

أمس..[حلمت]...أسمي..على[.].. كـبرك[.]..منحوت
وأضــــ؟ـــن...يــآلغــآلي...هذه...[أآآآخـِر]....أأأشعـآآري..!
::
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى