الرخص مو طبع روحك

الرخص مو طبع روحك عوفها اترجاك
على الما تستسيغه لا تطبعها
ضيعني بسهل واخسرني كون تريد
بس توعدني روحك ما تضيعها
اذا روحك بدوني تعيش باستقرار
اقبل عالبدوني بشرط ينفعها
خاف بلحظة تغلط تخسر الموجود
عمر تركض اللحظة ما ترجعها
اماناتك ثكيلة امنين الك صندوك
يحصل مثل روحي وبي تودعها
اثمن سنين طشيتك نجم بسماي
ابگد هذا الوكت تحتاج تجمعها
عرفتك بيك هيبة وعالي ما تنلاح
والمتلوگ إلك متروح تتبعها
وگتلي الناس هيج وانت غير الناس
بعيون اشتريك او روحي ادفعها
وگتلي اشواگ عندي اتريدك ومليت
امنعها ردت ما قبلت امنعها
وگلتلي وياك روحي طين ما مجيوس
على شكل التريدة بكيفك اصنعها
وبعد ما صار بيني وبينك الميصير
اعرفت اشكد ولع روحي المولعها
منك للاسف من بعد هذا الصار
اسمعت كلمات ما متوقع اسمعها
انا المالي داعي شلون صارت هاي
احجيها اعلة روحك شوف تقنعها
[img][ندعوك للتسجيل في المنتدى أو التعريف بنفسك لمعاينة هذه الصورة][/img]

تسلم ياسيد جلال و يصح لسانك

[img][ندعوك للتسجيل في المنتدى أو التعريف بنفسك لمعاينة هذه الصورة][/img]

عشت جلال حلووووووووووووووو

[img][ندعوك للتسجيل في المنتدى أو التعريف بنفسك لمعاينة هذه الصورة][/img]

تسلم يا جلال بس عفية كلبك شكد شايل هموم وشكد شايل حب لشخص معين واضحة جداً من كلماتك وانتقاءك لاشعارك الله ايصبرك يارب
تسلممممممممممممممممممممممممممممم

هههههههههههه انه شبيد على امر الله يبنت الناس --- تحياتي الك ريمه وغسوووووقه منورات الصفحه [img][ندعوك للتسجيل في المنتدى أو التعريف بنفسك لمعاينة هذه الصورة][/img]