قصيدة كتبت في زمن الطائفية {حبيب ايعاتب حبيبه}

قصيدة عجبتني ونقلتهة الكم من زمن الي صارت بيه طائفية وان شاء الله ولة ذلك الزمان ورجعنة اخوة من جديد

صدك تقبل حبيبي لغيري هسه تصير
وصدك مليت مني وبعد متحبني

وصدك هانت عليك اسنينه الحلوات
وما هانت عليك شلون تتركني

من يمته المذاهب نحسبلها حساب
ومن الطوائف جانت تهمني

انه لمن عشكتك ما سألت الناس
ولاجنت ادري اصلك شيعي لو سني

شجاك تغيرت وبكلبك انته شصار
جنت تموت بيه وجنت تعبدني

وجنت اتنفسك وانت هالهوه بدنياي
وجنت لو تبتعد لحظات تخنكني

معقولة الورد ينكر جميل الماي
وانته بهالسهولة تنازلت عني

ما أنكر مقصر اجت فترة وياك
لكن مو بدية الوكت يجبرني

شفت يمك نفط وبين اديك الماي
وانه بناري أشتعل ردتك تخلصني

لكيتك بالعكس مايك شمرته ابعيد
وجبت النفط بيدك حتى تحركني

شسولفلك بعد طعم السوالف راح
ردت منك توافي وخيبت ظني

أدري الوكت هو الخله كلبك هيج
وادري الطائفية الباكتك مني

وقبلل لا تبتعد عندي سوأل ارجوكفكر ويه روحك وعود جاوبني

باجر لو متت وتشوفني بتابوت
هم تبجي عليه وبعد تذكرني

هم تبجي عليه وبعد تذكرني؟؟؟؟؟؟؟؟

[ندعوك للتسجيل في المنتدى أو التعريف بنفسك لمعاينة هذه الصورة] مو بس رائعه وانما اكثر من رائعه عاشت ايدك

قصيدة جميلة يا احمد

مشكور يا اخ احمد قصيده رووووووعه

شكرا لردودكم الجميلة

[ندعوك للتسجيل في المنتدى أو التعريف بنفسك لمعاينة هذه الصورة] وصح لسانك

مشتاق اشوفك ياورد احجيلك وتحجيلي وديتلك كلبي مسج هسة شتوديلي

شكرا لمرورك الرائع اخ ضياء