ثكيل العمر ما يكضي بلاياك

الخميس أبريل 26, 2012 5:36 pm

ثكيل العمر ما يكضي بلاياك
اطش جروح كلبي بريح العتاب
واعاتب والعتب ماينفع وياك

نتلاكه بشوك لكن مثل الاغراب
... وعطر حجيك ملامه واحس بجفاك

واحن ليك بغيابك حنة احباب
واسولف اليه عنك من اريد اسلاك

تمر ساعات بعدك بيه ارتاب
واهدي ظنون كلبي بذكر طرواك

وثكيل العمر ما يكظي بلاياك
تهده جروح همك من بلاياك

تكلي الكلب ماجاني بلاياك
انت الضيعت عنوانك عليه

وتفز صفنات شوكي بدكة الباب
وارد مكسور خاطر ضني الكاك

وتعن دمعات هجرك رايده جواب
متعاتب الوجنه دموعي لولاك

معاند عشك كلبي وياك ماتاب
حمل ذني الكلب من بيه خلاك

فرشت جروح بعدك جوه التراب
نبت جرحك بليله شلون انساك

شتسئل ياجرح من بعدك الطاب
هوايه جروح كلبي وكله تتناك [img][ندعوك للتسجيل في المنتدى أو التعريف بنفسك لمعاينة هذه الصورة][/img]