كارتات الشاشة (الي ايحبون العاب الحاسبة )

اليوم صارلي واهس اكتبلكم و من ايصيرلي واهس يعني الله ايساعدكم حدوخكم
اذا انته او انتي من محبي العاب الحاسبات خاصة الالعاب الي بيها ملتميديا و كرافكس و تحتاج كارت شاشة قوي شتسوي و اشلون تعرف احسن نوع ؟؟؟
زين .. مرات تسمع واحد ايكلك حطور حاسبتي شنو قصدة و شنو الي ايبدلة و اشلون يختار ؟؟؟؟ ومرات اتروح تشتري لاب توب و صاحب المكتب يبدي يستخدم مصطلح شيرد و ديديكيتد شنو معناهن ؟؟؟؟
راح ابدي بكارت الشاشة و بعدين انتقل للرامات بغير موضوع و قبل ساعة نزلت موضوع عن المعالجات
يالله خل انسوالف عن كارتات الشاشة (بالمناسبة ماكو فرق بين الدسك توب و اللاب توب ) بهاذا الشرح

بالنسبة لكارت الشاشة يسمى VGA Video Graphic Adapter

أو Video Graphic Processor VGP
أو GPU graphics processing unit

كلها تدل على كارت الشاشة رغم التسميات والاختصارات المتغيرة ..
كارت الشاشة اكو نوعين هما مشترك Shared و Dedicated مستقل
لازم تفرق بين ال Dedicated وال Shared
ال مشترك ياخذ حجم من رام الحاسبة حسب المذربورد وحسب المصنع يعني ميفيد الي ايدورون العاب قوية مثل مدل و اي جي اي و العاب الحربية القوية
وال مستقل حجمه ثابت وماياخذ شي من رام الحاسبة (هذا ايفيد جماعة الالعاب)

و الأفضل أن يكون اللابتوب بكرت شاشة خارجي منفصل لكي لا يسحب من الرام و لا يعيق عمل الجهاز و كفاءته
يعني مستقل Dedicated بالمناسبة سعرة اعلى طبعا

فمثلا في اغلب اللابتوبات من تسأل على كارت الشاشة يكولون 512 ميكا بس من تروح عال Run و DXDIAG حتى تعرف المواصفات من اختيار ال Dispay تشوفه مثلا 700MB هذا يعني
700 - 512 (حجم الكارت الاصلي ) = 188 ميكا مقدار ماياخذه هذا الكارت من رام الحاسبة وهو نوعه Shared .

بالنهاية انصح الي ايريد يلعب كيم حديث و بدون ما توكف الشاشة يشتري حاسبة رامها عالي و معالجها دبل او تربل كور و كارت الشاة مالتها ديديكيتد مستقل و راح يدعيلي و احتمال يدعي علية

اتمنى ايكون الموضوع مفيد و عجبكم
تحياتي للجميع

لا احمد ندعيلك شون لعد بس اذا انضربنا بوري اني اول وحدة تدعي عليك ههههههههههههههههه

والله يا كابتن انت على راسي...

جماعتنا يتفيكون براسنا واحنا ماندري بس هسة درينا......

شكرا احمد.......

شكرا وجه القمر و شكرا بسام
نورتو الموضوع يا طيبيبن

شكرا ع المرور حسام
نورت الموضوع

والله عاشت ايدك حمودي