الفرق بين العراقي والاجنبي

الخميس نوفمبر 17, 2011 4:02 am

· الفرق بين العراقي والاجنبي من يروح عالمسبح

الاجنبي ياخذ وياه جنطه بيها خاولي ونظارات مائيه وسداد مال انف وشورت اديداس ومشط ومعطر جسم سبورت
العراقي يوكف بالحر براس الفرع ينتظر الشله ويطلعون بتكسي يتعاركون عالكروه وطبعا ياخذ علاكه سوده
بيها شورت ومرات يأجر مناك واذا ملكى يصير سينما وينتظر عالدور اللاخ
...
================

الاجنبي يسوي احماء وياخذ شاور دوش قبل مينزل بالمي بكل هدوء
العراقي اول ميطب وصاحبه صافن يفكر المي حار او بارد تجيه دفعه ينجبح بالمي ينسلخ ظهره بس يطلع راسه من المي يكوم يسب
ويكلب وجه لحد ثاني يوم

=====================

الاجنبي يتمدد ع ظهره فوك المي والمي يوديه ويقرا مجله ولابس نجادات

العراقي يذب حجاره او دعبل بالمي ويتراهنون منو اليطلعه اسرع

================

الاجنبي عنده اشتراك شهري دفع مسبق ويطب ويطلع بكيفه

العراقي لو يتداين من صاحبه لو يطب بالبوكه بالازدحام وميت الله يحلف اذا انلكف

===============

الاجنبي او ميطلع يرجع ياخذ دوش وينشف جسمه بمنشفه ماركة ريبوك ويحط الهيدفون يسمع اغاني

العراقي يتعارك ويه الاداره لأن الجزدان مالته ماكو مشيول من الامانات واحد بايكه ويكول يابه رجعو بس الهويات منا المفارز
وتعلك

=================

الاجنبي يروح المسبح حتى يحافظ عاللياقة مالته

العراقي يروح علمود يغرك صاحبه ويشوف منو يخبث اكثر ويتراهنون على كارت اسيا ابو الخمسه ياهو
اليطول اكثر بالغطس وجذب محد فد يوم دافع الشرط اذا خصر

================

الاجنبي ياكل موزه اويشرب عصير برتقال من يطلع بالسياره مالته ويلبس نظارات ريبان

العراقي بالكيا من راجعين طبعا يتفق على اقرب مأكولات فلافل وجاي اسود فحم ويطلع راسه من الجامه ينشف شعره

==================