إذا جرحك نزف

إذا جرحك نزف لا تشكي للغير
ترى الشكوى لغير الله ذله
وإذا واحد ينشدك عن جرح بيك
حط بي صم ملح بس لا تكله
كص لسان جرحك واخنك الآه
وشك زيج الوجع والآخ إحمله
جلب بالصبر لو جرح وازاك
خل هو اليملك لا تمله
خذ طبع الجبل لو وازته الريح
ما ينزل يبوس جفوف تله
لا تقبل عسل وبذله من ناس
المراره بعز تراها تصير احله
عوًد راحة ايدك تحضن السيف
وبالك لا تخلها تصير طبله
وميَز بين ناسك واعرف الزين
مو كلمن يمدلك جف تقبله
اكو زلمه بمهرته يهد الجبال
واكو زلمه ظلم تنطيه حجله
واكو جف صح تشوفه يشيل رطبات
لاكن بس تكمشه يصير سله
اروي بماي عينك كاع الاصحاب
وحش راس الدغل بس كونه يعله
صحبانك صدك صيرلهم حزام
شد إضهورهم بالك تفله
وصيرلهم خناجر وقت الزماط
واذا خطار اجاهم صير دله
واذا صارو مظله إعليك فد يوم
صيرلهم مظله إعله المظله
امشي وخل مايك يحفر الكاع
النهر لو وكف مايه يصير دهله
خل روحك جذر واسكيها بالطيب
حتى بطيب جذرك انت تعله....حتى بطيب جذرك انت تعله

قصيدة جميلة شكرا يا مبدعة

شكرا احمد هذا من ذوقك