الوطن

خجل حتى الوطن من شافنه إبهل حال
مثل والد عليل وإتعاركو ولده
ياجار اليحشمه ويدري بالجيران
متحزمه عليه وتشتغل ضده
باوع عالدول والناس وصلت وين
وإحنه إبهل خلاف إنجيبه ونرده
مسرحنه انعرف واشتهروا الابطال
مخطوف او شهيد او لازمه العده
او مجهول الهويه او جسد مابي راس
او مفجوعه بولدها وتصرخ إبسده
مسكين اليتيم يمر عليه العيد
ودموعه فواتح ناصبه بخده
كلي بيا ذنب كتلو ابوه وليش؟
كوم عيال عنده ومال ماعنده
وكلي بيا ذنب جابوه بغير زنود
للخلصت عمرها إمجلبه إبزنده
جرحك مثل جرحي وبلوتك بلواي
وصوابك صوابي شلون ما شده!
ناوشني المحبه وبوسة التجبير
خل نكطع نزيفه إبلسم الوحده
شكد مشتاك امر للاعظميه اليوم
والنعمان ازوره ويمك اتغده
ونعبر عالجسر نمشي ايد إبيد
ويم باب الحوائج غيضنه إنهده....ويم باب الحوائج غيضنه إنهده

مشكورين على مروركم الرائع

غرامك يا وطن بدماي يسره
دعيت تشوف بعد العسر يسره
انه بكاعك اشل يمنه و يسره
ازحف بالدمع و الفخر ليه.شكرا لكي يا سيدة الشعر

مشكور ياغالي على مرورك الجميل

العفو .لاشكر على واجب اختي ريما

تسلمي اخت لمى قصيدة رائعة عاشت الايادي يامبدعة

شكرا اخي المتفائل على مرورك الرائع