ابوذيات

الثلاثاء سبتمبر 20, 2011 3:50 pm

[right]
بعد هجرك يامحبوبي تعبنه
وتريد اليوم من عندك تبعدنه
هذا الكلب بغيابك تعبنه
يريد يمك كل صبح ومسيه

اريد انسج شراييني وساده
واحكم كل شهم منكم وساده
الحزن خيم اعله كلبي وساده
بسبب فركاك زاد الالم بيه

عيوني من الهجر ملت وسالت
وعليه احباب مانشدت وسألت
الف دمعه الجرت مني وسالت
ولا الدمعه الجرت منكم عليه

صرت دم المشه داخل وريدك
مثل متريد مشيني واريدك
فراكك حيل مرمرني واريدك
على جروحي تدوس بلا خطيه

ابد عمري ما شاتم ملاعين
غرامك ودمع عيني ملأ العين
الشمات اليمك تره ملاعين
إشما نصفه يخربونك عليه