الرئيسية
الأحداث
المنشورات
أحدث الصور
التسجيل
دخول
يعجبني الجرح لو لاگه شـــمات
2 مشترك
Muhannad Genieعضو متميز
- الجنس :
عدد المساهمات : 1021
المزاج : وانته شنو
العمر : 32
تاريخ الميلاد : 29/04/1991
النقاط : 1878
العمل : Consultant Dr.
MMS :
يعجبني الجرح لو لاگه شـــمات
الثلاثاء أغسطس 28, 2012 9:20 pm
يعجبني الجرح لو لاگه شـــمات
يضـــم روحه بحيث ايبيّن التم
وتعجبني السيوف ابچف الاسـباع
يحمــرهه الخجل لو ما لكت دم
اذا انته شفت لتكول ما شـــوف
تحـــچي العين اذا السانك تلعثم
اشوف الفلح من تموت الورود
ابغير ورود هيه تروح تشـــتم
بس شــوف الورد لو مات فلاح
امن اتشمه.. تلگه ابعطــره مأتم
شـوف اصعب وجه تقراه العيون
لكن بالگلب.. الله اعلم
گلبـي اگزاز بس اتسحگه خسران
اذا هو انكسر انته التصـــب دم
الحسب عقله يحب صدگني يرتاح
الحسب گلبه يحب صدگني ينــدم
گلتــــلك آنه احب آدم أبو الكل
بس ما أحب ابو التفــــاحة آدم
***
حسب عقلك يصاحـب شوف كلشي
وأضـربلك مثل عن كلشي واشلون
اكو يحچون مــــن الصبح لليل
وحـرام انچان تفهم شنهي يحچون
أكو ساكت وحلگه امــخيّط خياط
وحچـيه اشكد حلو بنظرات العيون
من أبزك بالحچي لا تزعل أرجوك
اسمعني او گول شكراً.. گول ممنون
الابره من تبز الثوب يا صــاح
قصــــدهه اتخيط ابشگ اليشگون
وداع اللي تكرهه يريّح البــــال
اوداع اللــــي تحبهم يعمي العيون
الماي اشگد حلو ابحلك العطــاشه
بس اشـــلون نقمه اعله اليغرگون!
تطلّع الروح اكو شغلات مــــرات
بــــس مرات هي اتردلك الروح
اذيه الباب من ينفتح للريـــــح
بس اشـــلون لو بالسجن مفتوح
ابنادم يضرب اللوح ابســـــامير
لكـــن من يموت ايشابگه اللوح
اكو من الفرح يبچي حـــيل مرتاح
واكـو شابع ضحك بس هوه مذبوح
اكو ايده طويله وكلشــــي ما لاح
و(أبو فاضل) بلا چف.. كلشي ايلوح
***
اكو كلشي ميملك عــــاش مرتاح
واكـــو يملك الدنيه وعاش مسكين
اكو يعوفك اسنين وچنهـــه ساعات
اكـــو ايعوفك دقائق چنهن اسنين
اكو ميباوسونك بــــــس يحبوك
اكـــو رب المباوس بس شياطين
اكو بالگبر بس مو موتــــه عاشوا
اكـــو مو بالگبر بس همه ميتين
سارة3عضو متميز- عدد المساهمات : 1445
النقاط : 3856
رد: يعجبني الجرح لو لاگه شـــمات
الأربعاء أغسطس 29, 2012 1:08 am
- Muhannad Genieعضو متميز
- الجنس :
عدد المساهمات : 1021
المزاج : وانته شنو
العمر : 32
تاريخ الميلاد : 29/04/1991
النقاط : 1878
العمل : Consultant Dr.
MMS :
رد: يعجبني الجرح لو لاگه شـــمات
الخميس أغسطس 30, 2012 1:02 am
شكرا لكي يارائعه منوره
صلاحيات هذا المنتدى:
لاتستطيع الرد على المواضيع في هذا المنتدى