اهداء الى ـــــــــــــــــــــــ

الأحد أبريل 22, 2012 2:58 pm

ما مرتاح طبعاً والحچي مايفيد
وبعد ما ظل صبر كافي الصبرته

بالحب تختلف مااختلف وياك
بس عوض گلب مني الاخذته

مليت انتظر باچر تجي وما جاي
عگب باچر اجه وما جيت انته ؟

واسهر والسهر ريشه ابمهب الريح
واحس حتى الگمر عاتبني سكته

وگلي اشحصلت من عمري ذاك الفات
اذا نص العمر لجلك سهرته

واذا بيه الذنب فهمني خل ارتاح
واذا بيك الذنب رغماً قبلته

يحسدونه شكثر حسبونه عالعشاگ
ويگلولي شكثر من عدنه بگته

وگتلهم چذب بس بالأسم محبوب
ومتندم على يوم العرفَته

لأن طبع اليحب معروف عند الناس
صافن والحچي كله ابصفنته

وانته لا تحن لا مثلي هم تشتاگ
وقانون العشگ وحدك عزفته

موهيچ اليحب گلب اليحب ولهان
ولا گلب اليحب هم هيچ دگته

كل ساعه احترگ طافيني دمع العين
وترجع حضرتك ثاني وشعلته

ومثل عالم صرت بس تخترع الاعذار
ولعلمك نعم هسه افتهمته

بستانك حزن منه جنيت اهموم
ماجاني الفرح لايوم ضگته

كافي بطلت رجعلي گلبي النوب
مااريد العشگ ماعندي بخته

وباچر لا تجي ودّگ على الباب
مفتاحك لأن اصلاً كسرته

وتتندم علي تحلم تردلي بيوم
وخط رجعه چذب سولفهه نكته

وازيدك بالشعر بيتين مو بس بيت
البومك للصور بيدي حرگته

ورسمك لو طفل والعين امه اتصير
من عيني بعد صدگ فطمته

وخسران اعترف والحب تجاره صار
وبايع مشتري كل شي خسرته

بس ابقه القلم وانته الورق جوّاي
وبكيفي الاريده والشطبته

اهداء الى (الكروب باجمعه )::::::::

الأحد أبريل 22, 2012 5:40 pm

تسلمين غسق على هذه القصيده الجميله والمعبره والله ايكون بعون كاتبه وشكرا على حسن الاختياررر--- تحياتي[img][ندعوك للتسجيل في المنتدى أو التعريف بنفسك لمعاينة هذه الصورة][/img]

الأحد أبريل 22, 2012 5:58 pm

لهيب الشوك بجفاج العين حلمانه----- سمعت فلانه مخطوبه الكلب ماطفت نيرانه----- سئلت واني متردد خطيبج هو لو انه ----- تكلي بياوكت شفتك نست ذاك التعب كله----- بدمعه العين غركانه -------------------------- أهدااااااااااااء للجميع وتحياتي