صبررررررني

الأربعاء أبريل 11, 2012 4:23 pm

صــبرني

صبرني أعله بعـدك لو تريد تغيب
يالجرحك جبير وما يـريد يطيـب
وياي أعله كيفيك لاتعـت بـالروح
ذبـلانه العـيون وتعبـاهه النوح
أنته بيا ذنب من يمي سـكته تروح
صـبرلي الكلب لايطلع وي الروح
وسـكتلي الدمـوع التاكـل بخدي
تعبني الصبر كلش وصل حــدي
منيـن أبدي بغيابك لـو ردت أبدي
كلش الجان الي هسـه أنكلب ضدي
يالدربك طويـل ومتعب ومجهـول
شأكول أنه بغيـابك لوصحيح يطول
ومن يكثر عذابي لوحـدك المسؤول
محتاجك ضوه ورايد تغيب شـلون
لان حزني بغيابك ما يحب كل لون
محتـاجك عيون لدربي ما مأمـون
وعيشني بأمل بـلكت عذابي يهون
أبقه بواهسك وخـل اليكون يكـون
ومن كدالسـهرما بقت عندي عيون
يا واهس حياتي اليطـرد الوحشـه
ويانـور الشمس يمزوك الغبشــه
طيـر الكلب يمك يعــرف بعشه
وبس كلمة وداعـك صـدك تفلشه
وانه بروحي وحيـاتي لوتريد أفديك
أسمك غنوه بشـافي وأسـولف بيك
كل الـناس تسـألني وتكلي شبيـك
خاف أحجي واكولن بالحجي طاريك
لان الكلب عندك حتى لو ما أجيـك
وماأعـذرك أذا تتعذر شــمدريك
شجاك شـغيرك ما تعـرف الياذيك
ويسألوني أعله لـوني شغيره لونك
وانـه بغير عالم عايــش بدونـك
لان دربي ظلام وكمــرته عيونك
شــلون تنام ليلك والله خيعــونك
أكوحد للصبر مـوكافي انـه أنسان
أحبك حد ضياعي ومن كلب واللسان
وانـه بصبعي أبد ما أرغب النسيان
صــدك ما نسيتك وأكره النسيان

[img][ندعوك للتسجيل في المنتدى أو التعريف بنفسك لمعاينة هذه الصورة][/img]

الخميس أبريل 12, 2012 12:20 am

عاشت ايدك عالموضوع الرائع

الخميس أبريل 12, 2012 1:36 am

[img][ندعوك للتسجيل في المنتدى أو التعريف بنفسك لمعاينة هذه الصورة][/img]

صبررررررني

صبررررررني

رد: صبررررررني

رد: صبررررررني