اهلا وسهلا بك من جديد زائر آخر زيارة لك كانت في مجموع مساهماتك 85 آخر عضو مسجل Az064 فمرحباً به


شاطر
استعرض الموضوع السابقاذهب الى الأسفلاستعرض الموضوع التالي
avatar
Jalal Alzobaidy
عضو فضي
عضو فضي
عدد المساهمات : 2702
المزاج : رومانسي
العمر : 45
تاريخ الميلاد : 11/03/1972
النقاط : 4250
العمل : ضابط جيش
ألقاب اضافية : مشرف على اقسام الشعر الشعبي والفصيح

MMS : فيس بوك العراق والعرب iq-fb.com

علم العراق نوع من الشعر أسمه النصاااري

في الخميس مارس 29, 2012 4:23 pm

النصـــــــــاري ..
ــــــــــــــــــــــــــــ

والان نأتي الى نفس البحر الوافر ..
حيث ان كتابات النصاري قد ابتدأها الشيخ نصار في المواكب الحسينيه ..
وسميت باسمه وهي على نفس وزن الابوذيه .. وقد استمد الكتاب الشباب كتاباتهم منها .
كونها من النوع السلس من الكتابة .. ويقول الشاعر المخضرم عريان السيد خلف
بكلمات جميلة بهذا اللون والوزن ..
فيقول ..

يناهي الشوك ذمه وذات من ذات
وفرق مابين حالي وحالك ابعيد
سنه وصدك يضــوك الــروح لوعات
ويجمل هموم كلبي اهمــوم ويزيد
وكول اشوالف السرحان والشاة
أعله سجه وكاوداه الايد بالايـــد
الك جانت يحلو الطول جيــــــــــات
اشعجب تبخــل علينه ابجية العيد

...............
وكذلك فمن القصائد المهمه في هذا اللون ايضا ..
هي قصيدة الشاعر الكبير كاظم اسماعيل الكاطع واسمها ( العام الدراسي )
وهي قصيدة مهداة لولده الذي توفاه الاجل .. فيقول فيها ..

بده العام الدراسي وبدت الهموم
وبيــتي عالمــدارس بابه صاير
نسيت وداعتــك جيت اشتري أهدوم
الك ومحضـــر اقلام ودفاتـــــر ..
موتســمع قيام وليش متكوم
ومر أســمك ولامن كال حاضــر
الشمس طلعت علينا ومووكت نوم
وهم عدكم صبح يهــل المكابر
وهم عدكم ضوه وشباج ونجوم
وهم ينطونكم واجــب الباجر
الوالد بالوداع ايصير مهموم
وانه اثنيهن والــد وشــاعر
خيلك طشرني وجنت ملمــوم
وصارت طيحتي بين الحوافــر
اذا عشرين يوم وماشفت نــوم
اشيظل بالحيــل بالعشره الاواخر ..
فراش الفاتحة لوشفته ملمـــوم
بنص اكلوبنه تلكه الجوادر ..
.......
طبعا القصيدة طويله فاكتفي بهذا القدر لجماليتها

وكذلك قصيدة اخرى اكثر جمالا واجلالا لكاظم اسماعيل الكاطع
حيث يقول ..

تغطيت وبعدني الليله بردان ..
لان مويمي انته فراشي بارد
وينك يادفو ياجمر الاحزان
احس بدمي عالشريان جامد
يامهر الصبر ماكضك اعنان
نسمع بس صهيلك وين شارد
كلساعه وتعتني اجفوف بطران
وانه جلد العليه اقماشه بايد
تعال اوزن اهمومي وجيب ميزان
وشوف اشكد عذاب الروح زايد
انسحبوا من حياتي اهواي خلان
وبقيت ابهلزمن لوحدي اكابد

.........
وطبعا كذلك فان القصيدة طويله واكتفي بهذا القدر ..

هذا هو بحر النصاري والوانه الجميله

_________________
[img][ندعوك للتسجيل في المنتدى أو التعريف بنفسك لمعاينة هذه الصورة][/img][img][ندعوك للتسجيل في المنتدى أو التعريف بنفسك لمعاينة هذه الصورة][/img][img][ندعوك للتسجيل في المنتدى أو التعريف بنفسك لمعاينة هذه الصورة][/img]
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى