أأأأأأن جروحي معارك وانتااااااااارات

الأحد مارس 25, 2012 3:22 am

أنا جروحي معارك وأنتصارات
وكل جرح التشوفه تكول قائد
اسلحهن ملح كل ساعه بجفاك
وأظن ماظل ملح يكفي الموائد
خلص صبره الصبر وجفاك مالان
وأحس أجفاك عالدلال حاقد
وأعاند بالصبر وأتزامط وياه
لأن نيته صفت يطلع تقاعد
رسمت جروحي منك بين الاوراق
ظلت عالجرح تبجي الكواغد
واكول هسه يرجع .. باجر يجوز
أخافن مايرد .. أي كلشي وارد
واكول هواي ناس البدلت ناس
مثل جف الغوى بسوك المعاضد
وامشي بدربي لكن فاقد الراي
اتمشى رسم بس بالي شارد
صرت مثل البدو بوصلتي النجوم
لان كل نجمه اشوفك بيهه كاعد
يمته تحن علي وتواعد بيوم
هلبت بالحلم طيفك يواعد
وانه طيوفي كلهن من يجن بيك
واكلك رد حبيبي تكلي ماأرد
ثنين ثنين من تمشي المحبين
تذكر لو مشينه نصير واحد
أحظنك حد سمع طكطكت الظلوع
حظن عميان من تحظن مراقد
شجاك شغيرك ما ترجع شبيك
ذاك انه بعدني وربي شاهد