مشتاكه الشفايف بوسة أحباب

الثلاثاء مارس 20, 2012 3:10 pm

مشتاكَه الشفايف بوسة احباب
مثل كَطرة مطر وتبوس بوردة
احبك حب نهر من يعشكَ ابلام
يفرح من تشكَ برويحته وصدره
لا تسأل احبك أسأل الروح
هيّ أعلم اظن بمحبتي وادرى
احبك حب تسامح حب الزغار
مثل فلاح عاشكَ طيبة الشجرة
واحبك حب مضيف ايحب الدلال
دارك عشكَ شيخه ويفهم بكَدرة
واحبك من كَبل لا تعشكَ الناس
جان اول عشك من دمي خط سطرة
واحبك حب مشاعر فوكَ السطور
واذوبن بالسطر لو بس علي تطره
واحبك حب صحاري امفطرة تنوح
دنكَت راسها وما حنت الكَطره
[img][ندعوك للتسجيل في المنتدى أو التعريف بنفسك لمعاينة هذه الصورة][/img]