شلون ابدي

الخميس فبراير 09, 2012 3:29 pm

شلــــــــون ابدي وأكلك أني مشتاك وأنت اول
شخص زلزل كياني

... وانت اول عشــــــك شيبني بصباي وانت اول
حرف يتعلمه لساني
وانت اول عشــــــك مطبوع بالروح ربيتة على
ادية وهوَ رباني
جنت تايه بغربة ودربي عاثور ومشيت بدرب
حبك هوَ دلاني
تعال ارجع احبك انت للموت علش ضدي صرت
انت وزماني
كل لحظة حبيبي لشوفك اشتاك مو شوكي بغيلبك
حيل أذاني
مثل شوك الصحاري لشوف الغيوم ومثل شوك
الدقايق للثواني
ومثل شوك الضلام لضي النجوم ومثل شوك
القصايد للمعاني
تعال امطر محبة بوحشة الليل عطشان وهجركم
ذبل أغصاني
وينك ياحبيبي بكلبي نيران بس انته حبيبي اطفي
نيراني
مثل شمعة وحيدة بليل الدموع ذابت من دمعهة
ودمعي طفاني
وحشة وليل اظلم وحدي ظليت والتمن بروحي
همومي واحزاني
وردة انت صرت والعمر بستان منو غيرك يغالي
يحلي بستاني
ما اصدك تريد انساك مجنون كل عقلك تكلي
اتعود انساني
شنساك وصرت بكليبي شريان كلي شلون اعيش
بلية شرياني
وشنساك وشتلتك شتلة بالروح ولتصدك احب
انسان ثاني
خلص عمري سفينة ولاوت الريح يلفهة الروج
باحضانة وتعاني
بس اغمض عيونك فدوه لحظات حارس على
عيونك بيها تلكاني
بدونك ما اعيش ومالي عنوان لن انته هويتي
وانته عنواني