اهلا وسهلا بك من جديد زائر آخر زيارة لك كانت في مجموع مساهماتك 85 آخر عضو مسجل Az064 فمرحباً به


شاطر
استعرض الموضوع السابقاذهب الى الأسفلاستعرض الموضوع التالي
avatar
سمراء الكاظمية
عضو نشيط
عضو نشيط
الجنس : انثى
عدد المساهمات : 212
النقاط : 430
MMS :

جديد عهد يادمعة العين...نكتبة بشهر الحسين

في الأربعاء يناير 11, 2012 1:35 am
عهد يا دمعة العين ... نكتبه بشهر الحسين
نكَله أحــرار وياك
يبو الأكبر مننساك
***
محرم والألــــــــــم شاهد
نشوفه ابطلعة اهلاله
شهر هجري ونهاجر بي
ويا احسين رحـــــاله
يدمعة بكل جفن شابــــح
شاف الصار بعيالـــه
يذخرج والكَلب دامـــــــي
جروحه سهام جتالـه

إنتي شما تسيلين ... على الوجنه تكتبين
بحياة وموت بحماك
يبو الأكبر مننســـاك
***
مطلع هالشهر إلنــــــــه
يجسد صورة العبـــــره
عهد يتجدد بكل عــــــام
يمرنه وبالوفه انذكـــره
نصيح بصوت آه يحسين
ذكره وموعظه وفكــــره
شلال الدمع لو ســــــــال
تشوفه فاطمة الزهـــــره

عظيم الأجر تدرين ... عند أم الميامين
يمن عالفطره نهواك
يبو الأكبر مننساك
***
سواد اللبستــــه الــــــــوادم
دليل الكل حزن موجـــــود
من لون الليالي أمســــــــــه
عهد ويخلده المعــــــــــبود
نريد بهالسؤال انكَــــــــــــول
الى ان يظهر الموعـــــــود
تراهه اكَلوبنه احتـــــــــــارت
من ضيم الليالي الســــــود

رغم كل هذا ماشين ... نخط هاي العناوين
على الفطره تبعناك
يبو الأكبر مننسـاك
***
باب الكل فرج أصــــبــــــح
باب حسين لأنصـــــــــــاره
التذكره وبكَلب مخــــــــلص
دمعهه الغالي يتجــــــــــاره
يدمعه وهالفخر واضـــــــح
الج يالعندج أخبــــــــــــاره
تظل عالوجنه من اللـــــــه
اليوم الحشر آثـــــــــــــاره

بالمحشر تفخرين ... لأبو الأكبر توالين
بمسيلي ارفع الواك
يبو الأكبر مننســاك
***
شما دار الزمـــــــــان وجار
شعائــــــــرنه مننساهه
نبدي بمستهل عاشـــــــــور
بعد بالفجعه معنــــــاهه
يوم بيوم هالخــــــــــــــــدمه
لحظه بلحظه وياهــــــه
لا مو من سنه وسنتيـــــــــن
بالأصلاب عشنــاهــــــه

ميراث المحبين ... هاي سنين وسنين
يبو السجاد ننعاك
يبو الأكبر مننساك
***
يدمعه وأجـــــــــرج الثابت
من الله ونبي الرحمــــــــــه
ومن آل العلى تدريــــــــــن
اجتج رحمه هالنعمــــــــــــه
سيلي اشما أكَول حســـــين
سيلي وخل نواسي أُمــــــــه
ظل مايج يخط عهــــــــــده
يواسي النزف من دمــــــــه

بالعبره وتنزلين ... بجفوف أملاك ترحين
تحملج كل الأملاك
يبو الأكبر مننساك
تحياتي
.
avatar
Jalal Alzobaidy
عضو فضي
عضو فضي
عدد المساهمات : 2702
المزاج : رومانسي
العمر : 45
تاريخ الميلاد : 11/03/1972
النقاط : 4250
العمل : ضابط جيش
ألقاب اضافية : مشرف على اقسام الشعر الشعبي والفصيح

MMS : فيس بوك العراق والعرب iq-fb.com

جديد عهد يادمعة العين

في الأربعاء يناير 11, 2012 4:56 am
تسلم هذه الانامل الجمله التي خطت هذا الكلمات وابا الاحرار يستاهل الكثبر -- ارجو تقبل مروري --- تحياتي

_________________
[img][ندعوك للتسجيل في المنتدى أو التعريف بنفسك لمعاينة هذه الصورة][/img][img][ندعوك للتسجيل في المنتدى أو التعريف بنفسك لمعاينة هذه الصورة][/img][img][ندعوك للتسجيل في المنتدى أو التعريف بنفسك لمعاينة هذه الصورة][/img]
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى