اهلا وسهلا بك من جديد زائر آخر زيارة لك كانت في مجموع مساهماتك 85 آخر عضو مسجل Az064 فمرحباً به


شاطر
استعرض الموضوع السابقاذهب الى الأسفلاستعرض الموضوع التالي
avatar
Jalal Alzobaidy
عضو فضي
عضو فضي
عدد المساهمات : 2702
المزاج : رومانسي
العمر : 45
تاريخ الميلاد : 11/03/1972
النقاط : 4250
العمل : ضابط جيش
ألقاب اضافية : مشرف على اقسام الشعر الشعبي والفصيح

MMS : فيس بوك العراق والعرب iq-fb.com

مثل ماأنته

في الثلاثاء يناير 03, 2012 5:21 am

مثل ماانته احبك بل البساطه البيك

راقي بـلا رتوش وكامل مكمل

المرود يذل روحه اباب رمش العين

ومن كحل البرمشك طلب يتكحل

شعرك والمشط سهره احباب بليل

مشطك يم مظيف الكَذله يتعلل

سمفونيه صوتك فرح الحزنان

والميت ابوه بحضرتك هلهل

ماحط بيك لـولـه الخالق السواك

تآثيرك طغى وعالوادم آستفحل

وماكَولن عجيبه السنبل من ايشيخ

وحدر اجدام حسنه آيدنكـَ المنجل

اسمع مومؤذن كَوم ميز الصوت

هذا السان حالي بآسمك يرتل

ياهو الانته مثلك ونته توك جيت

صارو بالاخير وانته صرت اول

يل خصرك قضيه من الرشاقه البيه

من حكَه الخصر عالورك يتمندل

عسل شفتك لغز ماحلته الاجيال

لغز اهل الكهف يم الكهف ينحل

فوكـَ جبال صدرك ضاعت الفرسان

وانه اول رجل من لونهن مختل

على صرتك قوافل من عهد سرجون

ومــتـيـهه الدرب للان ماتــــــنــدل

متحف روما جان بموناليزه ايصيح

ومن شافك عدل سد بابها وعزل

نفرتيتي جميله بعين كل فرعون

والزعل بزعلها من الزعل يزعل

لكن من حجو بوصافك الحراس

كَامت بالقصر من تمشي تتختل

شعرك ابتلت من حركته الريح

بالجو صار غيمه وعالارض جلجل

قميصك ماحمل ثكل الصدر مسكين

ثوب ومن يشيل الجبل يتهـزل

عجبني خيالي بالشمس ويضيع

ولـكَـاه يم خيالك داكَله المقتل

وحتج الورد وعترض عالبستان

لوانته الورد لومايضل مشتل

ياانته وشكَلك شرد اسولف بيك

لان انته الخلاصه الكلي والمجمل

بساحات الحرب صارن رموشك سيف

وبس ترمش اله البارزك يجندل

مكتوب الغزل بس ماعرفت اقراه

لان مخلوق الك وبشخصك تغزل

تفاح الحدائق موسمه ماجاي

بس ليش اعلى خدك موسمه
استعجل ؟؟


_________________
[img][ندعوك للتسجيل في المنتدى أو التعريف بنفسك لمعاينة هذه الصورة][/img][img][ندعوك للتسجيل في المنتدى أو التعريف بنفسك لمعاينة هذه الصورة][/img][img][ندعوك للتسجيل في المنتدى أو التعريف بنفسك لمعاينة هذه الصورة][/img]
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى