فدوه

الثلاثاء يناير 03, 2012 5:11 am

فدوة

فدوة تروح الك دمعات العيون

خليهن بس لجل عينك يهلن

وكل عمري وحياتي لجلك تهون

لان صدكني دونك كلشي مايسون

بيدينك حبيبي الكلب مرهون

ينبض بالعشك جنه بيك انجن

والعقل بطل يفكر صار مجنون

مكابل صورتك وبحسنك توهدن

يبو طول الحلو يا غصن زيتون

عيونك دمرني بحالي ما خلن

تمنيتك سجن حته ابقه مسجون

وايامي اويه غيرك خلهن يولن

احبك حب غريب ومنوجد بالكون

وآنه طبعي من احبك واجب اتفنن

واحبك حب جبير وماله قانون

وعليك جفوف اديه بدمعتي اتبلن

احبك من زمان وبيك مفتون

خلي عيوني بيك اليوم يتسلن

بيدك ياترف غمضلي الجفون

بلجي يمر عليهن يوم ما يبجي