اهلا وسهلا بك من جديد زائر آخر زيارة لك كانت في مجموع مساهماتك 85 آخر عضو مسجل Az064 فمرحباً به


شاطر
استعرض الموضوع السابقاذهب الى الأسفلاستعرض الموضوع التالي
avatar
Jalal Alzobaidy
عضو فضي
عضو فضي
عدد المساهمات : 2702
المزاج : رومانسي
العمر : 45
تاريخ الميلاد : 11/03/1972
النقاط : 4250
العمل : ضابط جيش
ألقاب اضافية : مشرف على اقسام الشعر الشعبي والفصيح

MMS : فيس بوك العراق والعرب iq-fb.com

أبذيات عراقية

في الأحد يناير 01, 2012 5:18 am
دومي فانوس لدروبك وشعلة
وليمسك ابية احركنة وشعلة
اخبرك الاسود صار شعلة
منشوفة تغور الكاع بية


ننخه باسمك احنه تـرى دوم
ونهل دمع الحزن لجلك ترى دوم
چم مره انصدع گلبي وتـرادم
ويّ الصـبر والهـم والاذيـه


شكول للحر ما واحد نجلهـا
وچم حره انچتل باالعراق نجلها
المدينه ما نحب نوصل نجلها
نريد انخيم بـوادي الـمنيه


عيونك تصيب الگلب بسهام
يلي ابد ماشفت بهواك بسهام
انا طير المهاجر بالفضاء بسهام
اشوفك وانا تايه بالبريه


على ضيم الهوى ياروح علمي
وبيها ارفعت اني اليوم علمي
اسالتها المستوى وتكول علمي
بخامس باء يالتسال عليه


يعاذل نار شوكَي هل تمسني
إهديني الشوف حبي والتمسني
بجه من مد يمينه والتمسني
لكَاني نفس ما مش جسد بيه


الزمان وي الجواد بسكَم كَصرن
ويبني بيوت للأنذال كَصرن
الكَصير يطول وال بي طول كَصرن
الصكَر يطلب من البومة هديه !


أهل هل وكت بالك تمن بيهم
إدنان وعيب يحصل تمن بيهم
ثلاث من الخصايل تمن بيهم
الجذب والفتن والشوفة الردية


وحك التين والزيتون والمن
اجروحي الطابن امن اسنين ولمن
السدر والجفن والكافور والمن
كَبل طرت الفجر يسرون بيه


الگلب من ساعة الحبك هلك ليش
احچي اوياك ما تحچي ها لك ليش
اقتنعو كل هلي ابحبك هلك ليش
ما قنعو ابحبك ليش اليه


ردت خده ابوسه جفل ماراد
الغده حبه لعند احشاي مارد
لون مصباح وانه البيه مارد
اصير بحدمته بس يرحم اشويه


يـعاذل طابـت اجروحك ونادت
عفيـف وكون بدوني ونادت
ابخـنجر عشـكـ كتـلتـني ونادت
الكـتيل اهواي من يدي التـحيـه


عجب ليش اليالي تـلف ودور
ولجلك رخصيت الذهب ودور
أحبك من زمان الدار ودور
عـجيـبه أتـعيفني وتخون بـيــه


وحق ألي أفجعونه إبطبر هاما
بيادر كلبي من جدواك هاما
إسلهم ما إسلهم نمت هاما
نمت وجفاك صور ونفخ بيه

أجيت وطك نهر صدري يرنفاس
وغمه الكلب لوغيرك يرنفاس
أبغيابك من يمر اسمك يرنفاس
إبراسي إيكوم ويحط غار بيه


أشوف الهجر طعـنة رُمح يـوسف
عـلى عُمر الكـضيـته وياك يـوسف
يـضربون المثـل بـسنـين يـوسف
ونـه سـنـيـن الهـوه أصـعـب عليــه


الورد خدّك حبيبي باقه منه
ونظل انتاني وصلك باقي املنه
اذا بكَلبك هوانا باقي منه
هواك حمول وتراكم عليه


يون ملدوغ حيًه ونته بيه
يُتُم حالي بفراقك ونته بيه
كفو منك المرضع ونته ابيه
الهوًه والماي تكطعهن عليًه


يجي يوم وأشاكيلك وكتلك
هموم ودم دمع عيني وكتلك
مشه عكرب عكس وكتي وكتلك
لدغني وظلًم الدنيه عليًه


نجم ليل الشته ساهر واحسبه
وحيل جفاك هد حيلي واحسبه
اذا يمك تمر حسبه وحسبه
ترى الحسبات يمي القاط مية


حبيبي يدوس اعل الكلب خلة
منكولن اخ خاف تصير خلة
معقولة الحبيب يعوف خلة
عافاني وكمت بس افرك بدية


جبل كنتو بهواكي وانتي قمتي
قعدتو دحكي معاكي وانتي قمتي
اثاري كنتي ضييجي وانتقمتي
دغوحي اشقد بيهتي وعجية


يهل حاوي الحسن كله والاداب
ودليلي ماوصل غيرك ولاداب
تسوة أنت الهندسة كلهة والأداب
وغصب عالقانون ياخذلك تحية


انا الدهري زنكني شلون زنكة
وكعت وبعد ما بياش زنكة
ولضل ابحث عليكم زنكة زنكة
وانا وقذافي نتلاكة سوية


احس انا بامان وياك واشعر
ولجل عينك اكتب دوم واشعر
كلي النذل هو شبيه واشعر
ابعرته خرب الدنيه علية


غصبن عالعدو اوصل ومرن
واصيرن حنظل بريجه ومرن
ايام الضيج هالراحن ومرن
الوصل باقي مادام الفس بية


حبيبي معدل ابحجيه وحسنه
واسمنه عالي ابطيبه وحسنه
ربنه كمل اوصافه وحسنه
ورسم وجهة من خيوط الثرية


اريد اشرد من القاعة ولا عود
والقصعة مرمرت حالي ولا عود
وكمنجة ماتسليني ولا عود
ابو خويطين يتأمر عليه


حبيبي لزم مستمسك وحجه
وليلي كمت اسهرنه وحجه
وحك البيت والمسجد وحجه
اطش جكليت من يعود الية


حفر حبك اساسي وبنه بيه
اليصدك صدك زلمه وبن ابيه
ومن اشوفه ادخل با الله وبنبيه
وصيح الغوث من
يصد عليه


_________________
[img][ندعوك للتسجيل في المنتدى أو التعريف بنفسك لمعاينة هذه الصورة][/img][img][ندعوك للتسجيل في المنتدى أو التعريف بنفسك لمعاينة هذه الصورة][/img][img][ندعوك للتسجيل في المنتدى أو التعريف بنفسك لمعاينة هذه الصورة][/img]
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى