ابو ذيات 99

الأربعاء ديسمبر 28, 2011 3:25 am

محبتكم علينا هاي نعمة...
وبعدكم مانشوف الزاد نعمة...
أكو أغنيه بشريط حسين نعمة....
كافي من البعد حنو عليه....

شمل منكم شرب شوكي شملكم
شمع شايع يشع حبكم شملكم
شهد حبكم شمل شوكي وشمل كم
يشن الآم لو شلتم يشن بيه

يكافي الخلك تكفه من البعد كفني
وكف عيني وكف كفي اللطم كفني
مكتول وما كفاني بل الدمع كفني
وكفاني هواي يكف همي الي بيه

[center]علي كلبي يم قاضينه شهدلك
ولعيونك جبت حنظل شهدلك
وعلي تريد اهدلك ؟ شهدلك
اذا وياك الالي صاير عليه

رويت بحسنك ياخايب وانضميته
شعر جالي بغرامك وانضميته
وجهك شمس لعيوني وانضميته
هموم الليالي تحن عليه

عيونك شاكـَن العيني وجنلي
وحمار خدودك بحبي وجن لي
بشر حولي ما حبيت وجن لي
لجن انته اللاعب لعب بيه

ياروحي دروب صدك سلسلني
وعلي بضيم يايابه سلسلني
تعرف ياالم بيه سله سني
الم شابه متشيله الوطيه

عسا ما تذبل عيونك وعودك
وتمنيتك وكـت بيدي وعودك
طيب تظل وافــــي بوعودك
وتظل يا نبع غالي عليه

مايك فار خدر كوم جايك

حبيبك لو يودك صدك جايك

انخاني ودشوف شلون جايك

اوصلك لو كطعوا ارجول العليه