اهلا وسهلا بك من جديد زائر آخر زيارة لك كانت في مجموع مساهماتك 85 آخر عضو مسجل irakpro فمرحباً به


شاطر
استعرض الموضوع السابقاذهب الى الأسفلاستعرض الموضوع التالي
avatar
Muhannad Genie
عضو متميز
عضو متميز
الجنس : ذكر
عدد المساهمات : 1021
المزاج : وانته شنو
العمر : 26
تاريخ الميلاد : 29/04/1991
النقاط : 1878
العمل : Consultant Dr.
MMS :
https://www.facebook.com/mohnad.aljpore.9

علم العراق جبت جرحي على جرحك

في الأحد ديسمبر 18, 2011 3:59 am

جبت جرحي اعله جرحك جيت عناي
اصوغ من الجرح مرهم يداويك

گلت جنه اصيرن رغم الجروح
ما ادري تحب دوني اليجويك!!!

تهوى انته الجمر جا غير الك روح؟؟؟
غير اتگلي حتى بنار اخليك

أمشي اعله الجمر واتحفه عالنار
ملعون اليجي يمك يطفيك...

أشفت من غيري گلي الغير شنطاك؟؟؟
واشتاك الدرب تالي ألمت بيك!!

انبكت مني غفل واسمي اني مبيوك!!
جذب انته الرحت وبهاي رجليك

عيوني فراش الك لو تغفه وتنام
ومن تبرد حبيبي بجفني اخليك

اجر جدمي اعله دربك وامشي تعبان
كل هذاواگول بگلبي ألاكيك

لاكيتك شفت غيري المشه وياك
احس كل دمعه نزلت صرخت أشبيك؟؟

جازاك بهجرما انصف وياي
لون ينطيك عمره ما يجازيك!!!

جبت جرحي اعله جرحك جيت عناي!!
واريد عيوني تسكت حتى ابجيك

راويني اشعمل بيك انته الفراك؟؟؟
ولكن لا على بختك اراويك!!

لاغزر ملح..لازاد..لاماي
ماغزر حناني گلي شنطيك؟؟

خلص دوري بعد ما امثل وياك
خله يمثل وياك النكت بيك!!

ابدي الماي لوانته صرت ماي
واكص جفي اذا ما راد ابديك!!

على لساني حبيبي جانت أتلوك
وهسه تلوك الخاين يسميك

جفك من رماني بسهم الفراك
تيهني السهم كتله انه ادليك!!

خجل مني السهم من شاف الجروح
صرخ كُلك جرح جا وين أذيك

صرخ كُلك جرح جا وين أذيك؟؟؟
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى