الفرق بين الولد والبنت

الفرق بين البنت و الولد في يوم الامتحان البنات بالأمتحان ==== قبل الاستاذ بنص ساعه هيه جايه وماسحه الكرسي بالكلينس وكاعده لازمه الكتاب ومترتاح لو يجي مدري منو ولمن اجه الاستاذ ووزع الاسئله البنية بسرعة تشوف الاسئله بس شافت السؤال الاول اشتغلت اتكول مكينه وجلبت بالورقه (عبالك بس تترك الورقه الورقة تركض ) ها ونسيت اكلكم طبعا هيه شايله ( ست اقلام ) من غير الالوان والمساحات والمقطاطات ( لا اكلكم ولا اتكلولي قبل المتحان بيوم هيه نازله لسوق المتنبي تشتري تريله اقلام ومساحات) خلصت الامتحان ... ... اتراجع الورقه خمسين مره مره واتكوم اتسلم الورقه أما بالنسبة للولد ======= يجي وره الاستاذ بنص ساعه يسأله الاستاذ وين جنت؟ يبدي الولد يكذب( استاد صارلي ساعه ادور عل قاعه الامتحان وين مدا اندله خلف الله عل حجي جان واكف بالركن مال شارع ودلاني القاعه) الاستاذ بعد الحجي والرزاله ايكله يله طب طب للأمتحان طبعا ماكو كرسي يكعد عليه لان جاي متاخر ايكله استاذ اروح اجيب كرسي لو اكعد بالكاع يبدي ايطلب من جماعته الورقه والقلم لو ينطو لو الاستاذ ينطي وبعدين يلزم الاسئله طبعا هوه كلشي مقاري بحياته مشايف الكتاب شي اكيد بعدين متدري منين البراشيم تطلع وما احجيلكم عله عيونه اتكول امشغلهن رادار بس يلكف كلمه يكتبهه ميدري صح غلط المهم يكتب ويترس الورقة هناك ولكفه الاستاذ وياخذ منه البراشيم ويرد ايطلع غيرهن مستنسخ الملزمه ميت مره امكضي اليوم الي قبل الامتحان يم ابو الاستنساخ يستنسخ نسخ زغيره من الملزمه من غير البراشيم اليكتبهن بيده طبعا الاستاذ ضاج من حياته كلما ياخذ منه البرشومه ايطلع اللخ ويضل لنهايه الامتحان اذا ميعرف شي يلزك بالكرسي اتكول لازكي بصمغ الى ان الاستاذ يتوسل بي ويكلله رحمه لوالديك بس خلص ومنوره حرقة قلب الاستاذ يجي على الولد ويكلله يمعود بس كلي يا سؤال متعرفه وايحله السؤال وياخذ الورقه كم انت كبير ايها الطالب العراقي

ياجماعة ترى هذا المنشور للضحك والتسلية فلا تزعلون رجاءا

ههههههههههههههههههههههههههههههههههههههههههههههههه بتول صدك ولله عيني البنات نازوكيات مو مثل الولد هههههههه بالعناد عاشت ايدج

ههههههههههههههههه حلوه صحيح اني ادرس واخويه ملتهي يسوي براشيم""

هههههههههههههههههههههههههههههه


شكرا حياتي اروى

ههههههههههههههههههههههههههه

عاشت ايدج.......

ههههههه
صحيح 100 %100

صدك غسق اني اولهم ههههههههههههههههههههه
شكرا كابتن

تسلمون تسلم عمر