وصف الجمال

الإثنين نوفمبر 28, 2011 4:18 am

عليك الله التفت خليني اشوفك
ولولحظة بحياتك حطني عالبال…
يالطولك مثل مدري مثل من
لأن ماكو اليشبهك بين الاشكال...
صدك احلى واحد انتة بالناس
واذا ما صدكت ينحل الإشكال...
اذا حورية احطهه وبصفك تصير
بالنسبة لجمالك جنهه رجال...
تتحجب حلو واحلى بلا حجاب
وشتلبس حلو لو تلبس اشكال...
مشاكل وية نفسي سببتلي
ولأن انتة السبب اي ماكو اشكال...
من يطلع جمالك تدري شيصير
يصير بمنطقتنة حظر تجوال...
لو موجود انتة قبل الاسلام
جا حطولك بكل بيت تمثال...
شنو الراس ماحطك على الراس
حجاية على راسي حجاية تنكال...
ماسة تاج انتة وعالي قدرك
ولازم فوك راس التاج تنشال...
علية شكد تلح ماافتهم شي
لأن كدام شخصك اوكف از--- ...
لذالك لمن توصيني اي شي
بس تروح اكولن مدري شكال...
مرة انتة فتت من يم ابوية
ولمن شاف طولك تعرف شكال...
الا ليت الشباب ويرجع الحيل
وابوكه الهل الحلو ويحلهه حلال...
اذا الشياب اصلا دوختهم
اذن انتة سبب ضحكات الاطفال...
يلمدوخ شعب شمالك يخايب
اذا من الشعب عندك هالاقبال...
اصير بقائمة وبالانتخابات
واشارك بالحكم يابعد شيبي....
واصير احسن مواطن اني بالناس
لأنك هم رئيسي وهم حبيبي.....
09-