ماشايف مثل طولج بعد ماشوف

ماشايف مثل طولج بعد ماشوف
وأقنـّـع عيني بيش وتقنع وترضه
يل كلـّـج براءة وكلشي ينوصف بيج
واتشوفج عيون الناس المْـغمـْـضه
الشارع بي صداع ايصير من تمشين
وطوله ايكَــوم يفتر يردم ابعُـرضه
و( أبو الطيـّـب ) يغض النظر جان ايكَــول
بس لو شاف طولج فنـّه..اذا..غضـّـه
المستشفى اذا من بابهه اتمرّيّــــن
عراضه لشوفتج تتظاهر المرضه
خط أحمر ..جمالج رِسَـم فوكَـ الكَـاع
وحظر تجوال ( خصرج ) وحـّــده ايفرضه
الفتنه( الطائفية ) عيونج الحلوات
عليهه احنه اختلفنه وبعد مانرضه
الامن مايستقر وتفرضه شرطه وجيش
بس بسلاح عينج نكَـدر انفرضه
والفوضه ال بلبلد مو من سياسيين
الفوضه ال بلبلد من شعرج الفوضه
كاغد ماي خدّج والهوى ايهز بي
ومن كَـد رقّـته بالهوه مايرضه

بالهوه مايرضه