ما اقبل احبك وانت ما مرتاح

‎
ما اقبل احبك وانت ما مرتاح
وما ارتاح احبك وانت ما تقبل
اذا متشدني بيك وبيه اشدك حيل
... انحل بالسهل من عندك وتنحل
بكيفك من اجيت وما جبرتك يوم
... ... وما اجبرك بكيفك لو ردت ترحل
فكر باليهمك والمهم شتريد
انه كل اليهمني المهم لا تزعل
ما مليت منك اگدر ابقه وياك
بس المشكله خاف انه راح انمل
ميهمني الدرب صار امشي بيه اسنين
ما اندل چنت بس هسه گمت اندل
وما اگول خساره الراح مني وياك
وي كلمن تحبه الروح ما تبخل
روحي الحبتك تتحمل بلياك
وما ينقص صبره بغيبتك يكمل
مجنون نعم بس تدري روحي اشلون
تنجن بالعشگ وبلا عشگ تعقل
حبيتك صدگ والوكت چذبه هواي
وبمعركته اني انزلت اعزل
وتعرفني ولو عندك شكوك هواي
وادري لك شكوككج چان عندج حل
من شفتك سنابل روحي اجت ترويك
ماي ولا تظن اتصيرلك منجل