اهلا وسهلا بك من جديد زائر آخر زيارة لك كانت في مجموع مساهماتك 85 آخر عضو مسجل fifo فمرحباً به


شاطر
اذهب الى الأسفل
حيدر البهبهاني
عضو نشيط
عضو نشيط
الجنس : ذكر
عدد المساهمات : 237
المزاج : انسه الدنيا وريح بالك
العمر : 33
تاريخ الميلاد : 01/01/1985
النقاط : 247
العمل : صاحب عمل خاص
MMS :

اهداء شركه السي اف دي ماركت

في الأحد نوفمبر 18, 2012 11:38 pm
بسم الله الرحمن الرحيم
الى كل اعضاء المنتدى حبيت انبهكم بمو ضوع كلش مهم الا وهو مو ضوع التجاره عبر النت
بدائت مشواري مع شركه سي اف دي ماركت والي خلاني اتاكد اكثر انهم يملكون محطه خاصه بهم على التردد النيل سات والهوتبيرد وكذالك العرب سات
المهم راح اكلكم شنو صار وياي من تجارتهم وشنو الي ربحته منهم ورجاء لليقراء هذا الموضوع ان يبلغ الباقين لان الدين نصيحه وحبيت اكلكم شلون تشتغل هاي الشركه
بدا مشواري معهم منذ اكثر من سته اشهر وبديت براس مال ارسلته الهم عن طريق الحواله المصرفيه الوسترن يونيون المهم بمجرد ان سجلت عدهم بدئو يلاحقوني باتصالاتهم وهاي الاتصالات خلتني اعتقد مدا اهتمامهم باليتاجر معهم ضليت هاي الفتره كلها اشتغل معهم حيث ان التجاره تاتيني لغايه بيتي وحتى باوقات الفراغ وطبعا يزودوني بكل ماهو جديد من مؤشرات ومتغيرات تحدث في اخبار السوق العالميه من تغيير باسعار الذهب والنفط وكذالك اسعار كل العملات
مشت وياي الامور بكل سلاسه وخلوني اعتقد ان التجاره معهم فد شي ممكن يحلم بيه كل شخص يحب يطور نفسه اكثر واكثر لحد ما وصلت معهم على ان اسحب جزء من اموالي الي اودعتها عدهم اهنا اكتشفت مدى خداعهم ومدى كذبهم وبالمناسبه اغلب الي موجودين اهناك هم من جنس البنات فقط يعني اليتصل سواء بنت او رجل راح يردون عليه بس بنات
اول ما طلبت سحب من اموالي اجلوني فتره خمس ايام على اساس اقدم طلب
وراها هم اتصلت بيهم كالولي ان لازم تنتضر فتره بعد اكثر لان المبلغ الي تطلبه كبير ولازم نلكا بنك يستقبل هيج حواله
المهم ما اريد اكثر الحديث اني وصلت وياهم الى ابعد الحدود واتفاجئت بتكشيرهم عن اقنعتهم الي بانت الي بالوقت المناسب
وكان الرد الاخير الي حصلت بيه منهم انهو ماكو تحويل الى العراق فسئلتهم عن السبب فردو علي باكذوبه على اساس العراق او الجكومه العراقيه ما تقبل تدخل اي اموال من الخارج وهذا كان الرد منهم
ومن رديت عليهم وكتلهم شون تدعون هيج واني وصلتني حواله من الدنمارك قبل يومين
فسدو التلفون وماردو بعد على اتصالاتي وحتى الايميل هم كامو مايردون عليه
تنبيه اخوان الي يقراء هذا الموضوع ما كتبته لكي تتعاطفون بقضيتي بس حبيت اكلكم الشغله الجديده الي كاعد يحتالون بيها بعض الشركات ومن ضمنها شركه سي اف دي ماركت وشركه بي فوركس وشركه وشركه ون ماني بيرس طبعا هاي عدد الي ذكرته الي خطر ابالي ولاكن اكو شركات بعد اضبط منهم بالاحتيال المالي
وبالحقيقه اني مو ندمان على الي راح مني بس ندمان لان انخدعت بيهم وارجومن يدخل من الاعضاء الي يقرا هذا الموضوع ان يبلغ القريب والبعيد والي عنده طموح ويه هيج شركات او يحلم ان يشتغل معهم خلي اكله خلي افلوسك بجيبك لان اني واحد من الي استغلو باسم التجاره وبالمناسبه اني عندي خبره لاتقل عن 6 سنوات بالتجاره عبر النت ولاكن لحد ما دخلت وياهم ماشفت هيج ملعوب يمر عليه ولا راح اشوف ابد فاترجاكم اخواني لحد يثق بهاي الشركه لان شركه كذب وخداع ووهم ماكو شي اسمه بي فوركس وبالمناسبه اني هسه رافع عليهم دعوه قضائيه وهاي اكثر من مره انشر هذا الموضوع يعني بعدة اماكن فاترجاكم الي يقرا وعنده مو قع او اشتراك بمواقع خلي ينشر هذا الموضوع وتحياتي الكم
اخوكم البهبهاني

_________________
[/b]جميل ان يسمع لك الاخرون والاجمل انهم في قلبك
البهباني
avatar
ارام
مراقب ومساعد
مراقب ومساعد
الجنس : ذكر
عدد المساهمات : 3294
النقاط : 8204
MMS : فيس بوك العراق والعرب iq-fb.com

اهداء رد: شركه السي اف دي ماركت

في الأحد نوفمبر 18, 2012 11:42 pm
معظم الشركات نصابين وخاصة في عالمنا العربي

مشكوووررين جدا اخي على تنبيهك ونصيحتك
الرجوع الى أعلى الصفحة
صلاحيات هذا المنتدى:
لاتستطيع الرد على المواضيع في هذا المنتدى