اهلا وسهلا بك من جديد زائر آخر زيارة لك كانت في مجموع مساهماتك 85 آخر عضو مسجل Amwry فمرحباً به


اذهب الى الأسفل
Muhannad Genie
Muhannad Genie
عضو متميز
عضو متميز
الجنس : ذكر
عدد المساهمات : 1021
المزاج : وانته شنو
العمر : 32
تاريخ الميلاد : 29/04/1991
النقاط : 1878
العمل : Consultant Dr.
MMS : مشكلتي احبك صدكـ Mms-47
https://www.facebook.com/mohnad.aljpore.9

علم العراق مشكلتي احبك صدكـ

الأربعاء أكتوبر 03, 2012 5:56 pm

مشكلتي احبك صدكـ

مجبور أگلك هلا
ومجبور أگلك روح
مرات أشوفك ملح
وآني ع طولي أجروح
ومرات أشوفك ورد
والعطر بيك أيفوح
ومرات أشوفك حزن
وآني أرد أبطل النوح
ماريد أشوفك تجي
بس ما أريد تروح
لأن فرگاك ياخلي يسلني
وعليك المادرة بحالي يسلني
چف الجدة من عندي يسلني
وينخاني وعينه أيگص أديَّة
وحبيتك أنتَ نعم
وردتك تضل وياي
بس من كتلني العطش
ماصرت گطرت ماي
ماردت أروحن وأجي
وضليت رايح جاي
كثير أزعله ردت
وماردت ازعله هواي
بدل مانبعد شوية ندانة
حتى الناس ماتسمع ندانة
بعز تموزصايرلك ندانة
عجيبة وتشح گطراتك علية
ومرات أشتاگ ألك
ومرات ما أشتاگ
صح آني أريد أبتعد
بس ما أريد أفراگ
شما بوگ لجلك فرح
من عندي هم ينباگ
عشگتك والعشگ وياك لابد
وشلتك ماي خفت عليك لابد
اثاري الفگر يم الباب لابد
دفعني أوگع الماي من ادية
وبعيوني إلك مودمع
عيون وتهل أعيون
وبجروحي ألك مو ألم
ضيم وحزن مدفون
وبالراس ماضل عقل
بس آني مو مجنون
بالروح أتيهك عمد
بس من أرد ألگاك
مشكلتي أحبك صدگ
ومشكلتي أريد أنساك
من أدعي يگضي العمر
معناها يگضي وياك
وماترد أدري إلي
وما ادري ليش أتناك
ويهواي هو الخذك
من عندي ليش أنطاك
وكل عمري أعيشه بقهر
بس من تموت أنساك
مادامك أنتَ عدل
ماعندي آني جناح
صح عندي باب وقفل
بس عندك المفتاح
السفه يطير الهوى
لاتتعب المرواح
التمساح يبچي چذب
وماشبهك بتمساح
التوبه من عشرتك
أظل ع صدري وشاح
ومن عشرتك ماتبت
للضيم هم رديت
وصفطت كل المضه
وبحيرتي اتوجيت
وغنيتلك ياحمد
ولو ادري ماغنيت
لاوكتي رحمني لازماني
الحزن من زغر سني لازماني
مثل مانزل دمعي لازماني
انزل ادموعكم قربان إليَّه
الرجوع الى أعلى الصفحة
صلاحيات هذا المنتدى:
لاتستطيع الرد على المواضيع في هذا المنتدى