تظن تلكَه بمحبتي بهاي الايام

الأحد سبتمبر 16, 2012 6:31 am

تظن تلكَه بمحبتي بهاي الايام

وتلكالك محب وتغمض بسده

وعدنه أشكال بيهه الناس والوان

تمشي ويه الجزر وترافك المده

أذا تنطيه كَلبك ينطي تراب

وتاليته مثل ماي وتبده

مايوفي بمحبته وينصح وياك

ويدور عالغرام البيه جِده

وانه المصيوب صار اسنين

أدور بالكلوب وماكو نشده

ياسم الصبر لاتكسي وياي

خلص صبري يصبري وهذا حده

ذبلت الجفن من لوعة الليل

ومحتار بنهاري اشلون أكعده

واصبر بالدموع وباقيه تسيل

مثل سيل الثريه وبيه تنده

ويمر حبك حلم كدام العيون

وماتكدر تشوفه وهيه رمده

تعال ارجوك كرب مولفاني الشيب

خلص عمري حبيبي وماله رده

ندم كلمن يجيك وكلبه مكسور

لان معروف طبعك ماتضمده