اهلا وسهلا بك من جديد زائر آخر زيارة لك كانت في مجموع مساهماتك 85 آخر عضو مسجل Az064 فمرحباً به


شاطر
استعرض الموضوع السابقاذهب الى الأسفلاستعرض الموضوع التالي
avatar
Maestro
وسام التواصل
وسام التواصل
الجنس : ذكر
عدد المساهمات : 587
المزاج : تمام
العمر : 25
تاريخ الميلاد : 29/07/1992
النقاط : 1584
العمل : مصمم من الدرجة الاولى
MMS :

علم العراق كتبت اسمك بورقة الشمات

في الأحد سبتمبر 09, 2012 1:03 am
انته اول عشك علمني معنى الشوك
وبس انته الروح لعيونك تدنك
وبس انته الساكن وسط هلروح
واحلفلك بالله والقران اذا ما تصدك

دولبت البشر خبلت كم انسان
وكم عاقل سحرته بنضره خبلته
حتى الجني حبك شافك انجن بيك
ادري الجني هذا شلون جننته؟






اظل ناطور حبك طول الايام
واضل سهران احلم بس احاجيك
انه جفوني قطار ودمعتي ركاب
كلهه تصيح نازل بس الاكيك






أريد أگعد گبالك لحضة عين بعين
بلكي وياك أنسة همومي واحزاني
واريد بقفص حبك أبقه مسجون
ولا اطلع برائه وأنت سجاني
أجيتك تايه أني بغير عنوان
لأن أعرف محبتك هيه عنواني
شدلاني عليك وأنت عني بعيد
غير الگلب حبك.... وهو دلاني
ياليلي ونهاري وكلشي بيه يعيش
ياأمي وأبوية واغلى خلاني







فنان من احب وبكيفي احــط الوان
ولونك من ضوه بكل لوحــــه خطيته
مااحلم گبل ماريــــــــد اتعب العين
بس طيفك اجــه وعالعين دليته
شفت البلحلم چنه انتة صـت الله
كظيت الحلم ولصـــــــدري ضميته
مو انته وگلت لا والله انتة يجــــــــوز
چنه انته وخدعنـــــي مــن انهجم بيته.!








كلي شلون اشوفك بالحلم الكاك
ويمي الحلم وظل يتغوش ويصفة
حتة الحلم منك ما خلص يفلان
خليت الحلم من شوفتك يطفة




اني وياك حد مكافف الروح
وافضيلك خلك خلك الليالي
اذا جاك الموت فد يوم خطار
اموت اني ابدالك وابدالي




احبك جي تغلس من احاجيك
وتواعدني واجيك وما اشوفك
ناذر نذر انة كون الاكيك
سبع طوفات ناذر كون اطوفك




طبع بيه الاحبه ابد ما انساه
لان كل يوم اذكره في حياتي
واذا حتى الزمن فرقني اني وياه
مكانه بالگلب ولحد مماتي





كتبت اسمك بورقة الشمات
كالوا ينمسح وتراهنت يبقى
رادو يمسحونك حتى انا انساك
حروفك جلبت ونمسحت الورقه




أحبك واليحبك يغمض شلون؟؟
جريمة آنه اعتبرهه الليل انامه
لكن بالحلم لو يمي الاگيك
أظل نايم لحد يوم القيامة







تمنيتك ولو بالحلم تنشاف
لكن للأسف يومية سهران
ومن خيط الفجر يهديلي النوم
من فگري الاگي الحلم خلصان



روحي بيك مو لان جذاب
لانك بالفعل فد جزء مني
لذلك انا احسك ما احسن بيك
الفرق كلش چبير وانت تفهمني



تبعد عني ليش وتدري بالروح
تعبانه وبعد ما تحمل هموم
يل ما تدري عگبك صاحبك صار
مثل حال العلم من غير النجوم



نحله أتهجــّرت منحلهــه بي عبوات
تــِـدَوّر منحل أو تفتر عله أوصافــــــك
لگــت منحل عسل بشفافــك ألحـلوات
بعد شتريد إجتــّي أوسكنت إشفافـــك






مرهون لجمالك بس كسير جناح
شفتك مره وحده وبعد ماعفتك
عينك ليله ظلمه ووجنتك تفاح
وشفتك ياغزال مطعّمه يشفتك






من يوم الكيتك عقلي ضل وياك
وصفن وجهي بجمالك واختلف لونه
من تخطف علي ترجف جميع عضاي
واحس الناس كلهه تصير مجنونه
يعقوب بقميصك الله ردله الشوف
واظن لو شاف طولك يشلع عيونه







مـن درت عــينك شـــفت والله عيـــــون
ومن درت الوجه شفت الشمس طلعت
ودرت الشـــــعر رأســــا اجــــــانه الليل
لأن خافت شمـــسنا وبالعجل شــلعت
.
.
اذا عينك ســـفينة تســــابق الإعـصار
أكيد الســــفن يمها بلا وشك ترسي
ولأن خايف تحسدك يا حبـيبي الناس
علـــــيك الفــــلق أقره وآية الكرسـي


جمالك معجزة وخدين مو خــدين
كلـش ضاويات ونورهن يســــطع
وهيه المعجزة بخدودك الحــلوات
لأن أول كَمر ويه الشمس يطلع



انه اكثر حزن من حزنك عليك
نيشاني التفت بس دك على متوني
لو شفتك تهل ادموع علوجنات
انـــــــــــه بلا شعور ابجيلك عيوني





ما احلم بعد وعيوني اسدهة عليك
غيرك ما اريدة ايدنس احلامي
مشرك ما جنت ما جان اكو اسلام
هسة آنه اسلمت وارد اعلن اسلامي



رئـــيس الدوله شاعر لو يصحله ايصير
لأن شــــــــــــاهد بعينه وعاين الحاله
تمثال الرئيـــــــــــس انداس بالرجلين
والشــــــــــــــاعر بقه وما طاح تمثاله






كتاب أنت أنكتب كلشي حلو بيك
ومامليت منك من قريتك
ولو أدري المكاتب منك تبيع
بعت الروح لاجلك واشتريتك

ماجيت اشتكي كالولي راح اتروح
جيت انهي البدايه وأختم القصه
فرصه من العمر جانت محبتي وياك
وصدك ماترد لو راحت الفرصه


أذا ماكو نقد معنى ألشعر ضاع
لأن نقدك ألي يعني أنه شاعر
واذا ماكواصدق عند الينقدون
اذاً اعدام نحكم عالمشاعر

ماتت الگصه وعرگ تبجي الجبين
دمعه بعيوني وأحس گلبي إنثلم
والله ما أرفع علم فوگج يدار
غير أبو النجمات ما يرهم علم


حاربت الوكت والوكت طكني بسيف
راد بها لقضيـــه ياخـذ بحيفـــــــــه
صديتــه بعــزم حـاربتـــه بالــذرعــــان
مو عظمي انكسر هو انكسر سيفـه




من شفت الكمر شفته احلى مخلوق
وجنت اكتب شعر وصف جماله

ومن شفتك بعد شكتب شعر محتار
اذا هو الكمر ذب استقاله




يل شعرك سرح يتمايل اويلريح
ويلعيونك رصاص وتكتل لنظره
اشكد شايف بشر ماشفتك بهلكون
ولا شايف بشر بس يكتل بخزره




خليتك حلم وعيوني ترسم بيك
وغير عيوني محد يكدر يرسمك
وندهوني شكثر بسمي وجنت ناسيه
وكلتلهم نعم من صاحوا باسمك


أغار إعليك من كلبي والعيون
لذلك آنه حاير وين أشيلك
وحقي ماأجيلك آنه معذور
أغار إعليك مني وماأجيلك




الجمال البيك دايخ هو بيك
ويمكن إيدك تخدر أمن تكض اديك
إنت ربك خالقك فد شكل خاص
يمكن إمسويك إله إيعاين عليك


أبطولة أحله واحد إحنه فوزناك
بطل تستاهل إنت الكاس جا كوه
لأن ياهو اليشوفك كال هذا يفوز
والماشايفك هم كال إي هو




تظل انته الهوه واتنفسك دوم
ودنيانه حبيبي انته شمسهه
گبال المرايه تتعدل الناس
والمرايه گبالك تعدل نفسهه




لحيت اعله ابويه وكَتله بيع البيت
يمهم بيت بويه وخاف يتأجر
فرح والله ابويه وكَام ينطي اللوان
طلع حتى ابويه عليج هم يفتر



استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى