اهلا وسهلا بك من جديد زائر آخر زيارة لك كانت في مجموع مساهماتك 85 آخر عضو مسجل Az064 فمرحباً به


شاطر
استعرض الموضوع السابقاذهب الى الأسفلاستعرض الموضوع التالي
avatar
Maestro
وسام التواصل
وسام التواصل
الجنس : ذكر
عدد المساهمات : 587
المزاج : تمام
العمر : 25
تاريخ الميلاد : 29/07/1992
النقاط : 1584
العمل : مصمم من الدرجة الاولى
MMS :

علم العراق ابـوذيـات & دارمـيـات & ومـضـات

في الأحد سبتمبر 09, 2012 1:01 am

بالاشعار ..:

الابوذيات :


اغيب شما اغيب وارد لك ..
ومن كل باقة اهدي ورد لك ..
زرعت بستان بكلبي ورد لك ..
احضني واسكَي ورداتك البيه .



عشت وياه ابفرح وي روح ,,
ليش وصدمني بيوم ويروح ,,
كلبي مو يمي ويا راح ,,
وما اخذ جروح البيه !.



المن اشكي ومن يعرف؟ ,, الـ حگ؟
گظت ايامي بس وراك ,, الحگ
شيبت وماظن ع شباب ,, الحگ
وخلصن جميع ايامي بأذيه



انا لصحنك صرت غاسل و جالي
و بيه من المرض مغصة و جالي
حبيب الروح خابرني و جا لي
لزمته وبعد شيفله امن اديه؟!.



يا دنيا مالومج بيا ضلمي
وعلي طفي نورج وبيا ضلمي
خويه انه ما ناشف بيا ضلمي
وبعدها الناس تتحجه بيه !



غيب عن عيني لحضه وردني
ولحضنك متاني وكافها الردني
وك اذا مسج منك بيوم وردني
جن مو مسج روحي ترد عليه .



طال البعد عنك وأنت ماراجع
يلي بوصفك تيهت كومة مراجع
عشره الي وياك وتكلي مراجع؟
اخذوك مني وفرحت الي شمات .!


..

الدارميات :


ماريدك بعد كافي تذل بــروحك...
يالماتحــس نســيتك أنــته وجروحــك.


واكف أتــاني المـــوت .. وألــموت أجــاني
الحك علية بساع شوكي أذاني


امكيف وفرحان ردت آنه اخابر
باكو رصيدي البيت خلوني حاير


لا ترجع اترجاك ,, حبنه انتهه ومات
مو دم لو بجيت عيون مـَيـ‘رجع الفات


لا تندم اعله الراح أنت الردتها
عشرة عمر هيهات .. انت نكرتها


هايم وافكر بيك .. وينك يغالي ؟
الحك عليه بساع شوف شجرالي


لا تندم اعلة الراح انت الردتها
روحي بغيابك حيل يذبل وردهة


تدري آنه من اشتاك احزن وابجي
ومن انت ماموجود جا المن احجي


اصبر واجر حسرات ودموعي المها
وادوس ع جرحي حيل ولا روحي اذلها


هانت عليك ايام ,, حبنا الي راحت
ضيعت تعبي وياك ,, وسنيني ضاعت


ماكلك امن انساك راح احب غيرك
موته اني الحب وبيدي دفنته


ما كتلك انه انساك كتلك احاول
ولمن اجيت انساك صارت مشاكل


مشكلني كلبي هواي مايرضه فركه
وبوجهي شو مسدود يا باب ادكـّه


احبك واحبك حيل واعشق خيالك
ولتصدك اني انساك واحب بدالك


ماتت عليك الروح يمته تردها
مو ذبلها الفراك ويمكن كتلها !


مافكرت من حبيت هو الـ اجاني
سهرانه طول الليل لنجمك اتاني


غابت شمسنا اليوم من رحت يهواي
ماترضى تشوف العين إله أنت وياي


عايدتك آني بعيد وأنت اصدمتني
بوسه بوسط هلناس بشفتي بستني


لاترضى بلمغرور ولا تحجي ويا
هوا بغروره يموت من انته تنسا


يلناسي يلبذات اشتعمل نحبك
ولو تحركلي العيون لظن اكرهك


حجولي عنك الشمات بس صدكتهم
كلولي عنـك شين احبـابـك بعتهـم


عينك يبعد العين ظلن ابالي
ورموشك الحلوات عذبنلي حالي


ارجف آنه امن الموت لو مرني اسمك
حقة اليموت بساع من سمع حسك !


لا ترجع بعد فات وخلص عمرنه
ننتضر بس الموت باجر يمرنه


كلشي التريد يصير ابفركتك صار
عين وبجيت اعيون طفتلي هلنار


تعرف تعد ادموع؟ لو تعرف تـعْبر ..
ماتدري شسوه الفراك؟ ولاكلك احزر .

الرد

اعرف شسوا الفراك تفضل اكلك
نساك كل الناس اولهم اهلك


شامت وكف بلباب حيرني شيريد؟؟
لاهوا يحجي وياي ولا يبعد بعيد

الرد

طبع الشماته تخاف من الصراحه
تعشك تشوف الحل يعاني بجراحه


..

الومضات :


حب گلبي غيرك انتهى الموضوع
خــلــص لازم تقـتـنـع بــالــواقــع ..
هـذا قانـون الحيـاة التخونـه يخـون
وكلــي بيــا وجــه هســة انــت راجــع .!



تحلم اسهر وافكر بعد بيك
خلص شوفلك شخص غيري ..
تعبت وياك لك افتهم عاد
ماذكرك بعد نساك تفكيري .



قارنت جمالك وي جمال الكون
لكيتك بالوصف يا زين ارتب ..
واحد وبجمالك سابي هلناس
اذا عشره مثلك انت احسب .



اليوم انتهت كل الاحلام وياك
اسكت بعد لا تحجي بالحب ..
اتريد ترجع؟ متكلي شيفيد
اجرحتني انسى أحبك صعب .



شلون اوصفك كلي بيا كلام؟
وين الكه الكلام اليكدر يوصفك ..
اذا النجم حار بيك بسماااااااه
هم يكدر بشر يوصف وينصفك ؟.



هم تضن لحبنه رجعه لا هيهات
حبنه مات ولا بعد يرجع ..
ما تسمع احبك بعد حدالموت
من كلب ميت شمتاني تسمع .



كحلت عيون كلبي بدم الجروح
حتى يشوف جرحه وهم يداري ..
ولو دمع كليي بيوم حتى الروح
يقبل بس لا ينطي بيهم اثاري .



اي مـس يــووو كلش هواي
بحيث المس مسها لداخل الروح ..
هم انت مس يووو مثلي غلاي
لو ناوي خلص تتركني وتروح .


الي منك وره من بصره لبغداد
وارش المي عساك اتكون راجعلي ..
حبيبي بغيبتك صدكني اعد انجوم
ضروري اليوم مو باجر تردلي .


تلتل كلبي يتيم وتلتل بي
غفيه متباهي تعذب بليتامه ..
هايم جان كلبي وماهمت بي
ولا حتى جاملته بابتسامه .


ولو تعبني الحنين وصرت الك اشتاك
ماردلك جرحي ما يقبل ارد ..
جرحي بعدك يتيم وفاكد للحنان
كاتله الجوع وسابي هلبرد .


فرحان مو لان اجاني العيد
فرحان لان انته بعيدي اجيت ..
وجيت بلهفه اعايد من بعد البعاد
ومن شوكي دموع الفرح هليت .



لا تبتعد عني صدكني ماترهم
شلون اعيش لك ما اكدر اتنفس ..
انه أعمه وبيك الدنيه يشوف
بدونك ضايع بلكاع يتلمس .



تجرح وترد ترجع وراضيك
ع هلرنه وياك مكضي حياتي ..
نسيتك وشلتك امن البال
وشو بس جرحك ظل ابذكرياتي ..



نادر مالكي اليفهم شعوري
اشعاري عليه كلشي تفهم ..
مره اكتبت ومضة واحزر اشصار
انكسر كلب الناس وأنت ما مهتم .



حضنك لامظل بحسرة الناس
اذا ياهو اليجي كمت وحضنته ..
وانه اتخايلك متحاضن وياي
ولك بطّل لعب بس الي انتة .!



صاير ما تحس كلش هالايام
وحيل اتغيرت بيك الموده ..
مو أنت الاعرفك اتغيرت وياي
ماشم بعد عطرك ذابت الورده !



لا تحزن وتكلي احبك موت
من ايدك حبي ضيعته ..
كلبي الجان طفلك اصبح جبير
يفـهـم جنابك اشون بعته .!



كلـش افتـهـم انه بلسياسه
بس ما افهم اليبوك ليش ما يشبع ..
وطن كامل انباك كبال العيون
ولهذا الوطن كل جارة ماتنفع !!



مامحتاج كلشي بس محتاج للحظ
لان كلهم بقو بس هوه خلاني ..
ماريدك ترد باب الرجعه مسدود
ولاريد اتذكرك خليني وحداني .



شفت الخشب فشلان يبجي .. يشارك الناس بمصاب حسين
كتله ماجور كفكف دموعك .. كلي يا دمع اولي الوجـه ويــن
الناس مانسـت ذيج الرماح .. حتى الله وملايكته ما ناسيـن



استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى