ردت احبك واستحيت وبطلت

الإثنين سبتمبر 03, 2012 5:56 am

ردت احبك واستحيت وبطلت
خايف اشما اوفي ماترضالي

لان لجل هوايه مره اتخبلت
وكال مو شي ومارضه اعله خبالي

مااشوف شكد علي مرور الوف
كله مو بالبال وانته ابالي

انت بس شما ردت عنك الوف
شما افر راسي تصير اكبالي

غيري ماشافك وغيرك مااشوف
انت كل الكون تتروالي

اذا لو ما انه مالك كل وجود
وانه لو ما انته اعمه شحالي

كبل لا شوفك جنت اعمه وحزين
وفتحت من سيرن منك طيوف

ولمن شفتك انكلب كل جسمي عين
وصرخت بلجن بعد عين ارد اشوف

انه لو جيتك اجيلك جاري لماي
وشيخض الماي كلي لو جره؟

وعنك انه شمارحت تلكاني جاي
من كثر ما احبك ارجع لي وره

امسودن يكولون اولي يطبني طوب
المهم تحبك سواديني

احركني قابلك شرط بس كون اذوب
حته انته اتلمني واتبديني

انه لو حبيت احب من غير راي
ومن اباوع كون اخلص عيني

وكون هاي لخاطرك تكسرلي هاي
وكون لجلك عركه بيني وبيني

انه مدري شلون ظلت بيه روح
من خذنك بالحلم ذرعاني

احجي بيك لساني ماسمعني صوت
ظل عليك يغار مني الساني

بعد اكثر من حلم بي ردت اموت
بالحلم شفتك جفن غطاني