اهلا وسهلا بك من جديد زائر آخر زيارة لك كانت في مجموع مساهماتك 85 آخر عضو مسجل irakpro فمرحباً به


شاطر
استعرض الموضوع السابقاذهب الى الأسفلاستعرض الموضوع التالي
avatar
Muhannad Genie
عضو متميز
عضو متميز
الجنس : ذكر
عدد المساهمات : 1021
المزاج : وانته شنو
العمر : 26
تاريخ الميلاد : 29/04/1991
النقاط : 1878
العمل : Consultant Dr.
MMS :
https://www.facebook.com/mohnad.aljpore.9

علم العراق الوطن ؟؟؟؟؟؟

في الثلاثاء أغسطس 28, 2012 8:51 pm

كبل كل ايام ربك عدنة عيد وصدفة مـــــــــــن نسمع مناحة ونايحة



هسة عيد وعيدك مبارك نشاز وندخل بـــكـــــــــل بيت نقرة الفاتحة

بوطنة الضحكة شردت مــــــــــن الحلوك والعيدية دوم مزاعلة الايد



يجينة العيد جان ومــــــا مش اهدوم هسة هدوم عدنة وما يجي العيد


كل يوم عدنة جولة نصارع الموت بضهور المهدي نربح اقوة جولة



الدول عدهة عـلـم بس احنة بالضيم عـلـم موجود عدنة وماكوا دولة



طبع بية بصراحة احجي يا ناس وحـــتــــى بالحلم احجي بصراحة



كبل جانت رفيقي وهسة مولاي الشعب بثنينهن مـــــــــا شاف راحة

البدو واهــل الخيم بقصور سكنوا واحنة اهـــل النفط نسكن خرابات



ويريدونة ننتخب والبلد غابة هـــــــــــــم شفتوا اكوا بغابة انتخابات



احنة مهما ننتخب نفشل اكــــــــيـــد وانة اكلك ليش نفشل وانتة قيس



لان فاشل منطقيآ الاختيار دولة مــــــــــــــاكوا شلون نختار الرئيس



بكلشي اقتنع حتى اللي مو على البال وحتى المايصير انة اقتنع صار



شـــــــــــــــــــي واحد ابد ما اقتنع بيه جنسيتك عراقي وتدخل النار


مــــنــوا المسؤؤل ليش الشعب مخنوك وليش الشعب ليل نهار هايم



العمايم احترمهة الفوك ع الرأس بشرط كــون اعرف شحدر العمايم



اذا صايم ومـــــــــا تعرف شنوا الصوم اذا سألوك لتكول اني صايم



ولتكلي تــــــــــــــــــــعــــــال اتفطر وياي ما افطر بلحم الفقرة دايم



على قــــدر اهل العزم تاتي العزائمو وعلى جدر الحكم حلوة العزايم



فــــــــــــــرق بين الرصيف اليشبك ايتام والقادة لشعبهم زرعوا الغام



سلامآ ع الشعب بتروا رجليه اذآ حقة الشعب لـــــــــــــو كعد ما كام



دخــــــنـة احنة نسطرنة ومات الاحساس عاكول الاجانة وكلنة شمام



جــــــــــــــا شنهي التغير شنهي الصار قائدنة اختلف بس نفس الايام



القائد مـــــــــــرض جان وهسة دكتور من ذاك الجرح من ذاك الآلآم



حطب صــــــــــــــــار الشعب والوطن تنور والقائد لبد والفقرة كدام



حزنان الشعب وهدومة مــــــــــــو سود لان دم الشعب صابغ الهندام



كلكم راع وكلكم مسؤؤل عن رعيته الرعية تهجولت والراعي شو نام



كــــــــــــل واحد لسانة بطولة مترين واذا صارت صدك تلكاهم اقزام



كـــــــراسي المنطقة الخضراء حمراء لانهة نصنعت من الدم والعظام



وبين اهــــــــل الكراسي العلم منكوس لان فوك الكراس كاعدة اصنام



بس حــــــــــــدر الكراسي باوع وشوف تلكة شكد جماجم رافعة اعلام



بـــــــــــــــــشر كادود من الصبح لليل وبشر تاجر يصير بسحبة اقسام



مــــــــاكوا اسلام يشعل طاك من طاك عمي والحسن مو هيج الاسلام



ربــــــــــــــــــــك تسع تشهر يبني انسان يكمل وبثواني تفلشة الاقزام



وانـــــــــــــواع القتل واختار شتريد القتل عدنة صدك حتى ب الاحلام



حـــــــــــــــــــــــــتى بلا قتل هم تلكة مقتول توهم ينكتل كتلتة الاوهام



عدنة بوطنة الطلقة جملة تخاطب الناس وعدنة الجملة صارت طلقة اعدام



واكـــــــوا علاسة وحرك وافلامنة اهواي اعتيادي تحترك يومية الافلام



وضــــــــــــــــل تعدادنة يقل يوم عن يوم لان ياهو اليجينة يطير ارقام



ويتامانة وصلوا حـــــــــد ماهو معقول تسعة العائلة بس عشرة الايتام


_________________
التوقيع


تمنيتك [حيّ]..وأتـــشوف..وين (آنـــ؟ــه)...مصــيوب
طبيبي...[أنـــت]...كوم...وطفيلي نـــــ؛؛؛ــــآري....!

أسئلكــ...ليش آآآنه من..هــآلدنيا...[[[[متعوب]]]]..!
وليش أنت..الوحيد....المــآ تعــرف....أخبــآري....؟؟

[منعوني]..منك..ونسوآ..كل..ممنوع...[مرغوب..!
ومحد يفهمني غيرك....ويفـــهم....أفكــــــــآري...]

وكف على (حيله) الشــآمت...ويــتشمت...]...[بــأسلوب
ردتـــه يسكت...ويرحم...دمعي....[الجــــآري...]..!

وصحيح آآآآنه..[غنـــي]...بس..مـــن..كــل..شي مسلوب
وتمنيت قبل موتتك...أقدملكـــ..أعذآآآآري........]

مدري آآنه اشسويت..ومــآخذ..[كل] هذه الاذنوب
وعجبيه نيرآن..[الذنب]...مـــآتطفى....بــ أمطاري

وحتى الكلب...أبدونكــ...خايف....ومرعوب..!
وتعـآل أسمع..أللحـآن[الحزن]..كطعن....أوتــآري

أمس..[حلمت]...أسمي..على[.].. كـبرك[.]..منحوت
وأضــــ؟ـــن...يــآلغــآلي...هذه...[أآآآخـِر]....أأأشعـآآري..!
::
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى